بھوپال، 17 مارچ : مرکزی وزیر تعلیم رمیش پوکھریال ‘نشانک’ نے آج کہا کہ مرکزی حکومت نے تحقیق اور پیٹنٹ کی سمت میں ملک کو آگے لے جانے کے لئے نیشنل ریسرچ فاؤنڈیشن کے ذریعے 50 ہزار کروڑ روپے کے الاٹمنٹ کیے ہيں۔ قومی تعلیمی پالیسی یقینی طور پر ہندوستان کو علم کے ایک سپر پاور کے طور پر قائم کرے گی۔
مسٹر پوکھریال نے یہ بات یہاں ‘سارتھک ایجوویژن -2021’ کے اختتامی اجلاس سے خطاب کرتے ہوئے کہی۔ انہوں نے قومی تعلیمی پالیسی کے نفاذ کے سلسلے میں بورڈ آف ایجوکیشن کے ذریعہ کئے جارہے کام کی تعریف کی۔ قومی تعلیمی پالیسی کے نفاذ اور نظام تعلیم میں ہندوستانیت کے جذبے کو قایم کرنے کے مقصد سے ملک بھر سے جمع ہونے والے ماہرین تعلیم، اساتذہ اور ماہرین کے غور و فکر پر مرکوز نیشنل کانفرنس اور ایکسپو کا اختتام ہوا۔ اس موقع پر بورڈ آف ایجوکیشن سربراہ مکول کنیٹکر نے تین روزہ غور و فکر کے بعد ایکشن فریم ورک پیش کیا۔
سائنس اور ٹکنالوجی کے وزیر اوم پرکاش سکلیچہ نے کہا کہ بہت سارے ممالک نے ہندوستان کے ماڈل کو اپناتے ہوئے غیرمعمولی پیشرفت کی ہے، لیکن ہم اپنی کم نگاہی اور برطانوی نظام کی وجہ سے پیچھے پڑ گئے ہیں۔ ہم قومی تعلیمی پالیسی کے ذریعہ اس کو پھر سے قایم کریں گے۔
وزیر مملکت برائے اسکول ایجوکیشن (آزادانہ چارج) اندر سنگھ پرمار نے کہا کہ حکومت کو جو کام کرنا چاہئے تھا وہ انڈین ایجوکیشن بورڈ کے ذریعہ کیا گیا ہے، جس کے لئے ماہرین تعلیم قابل مبارکباد ہيں۔
یو این آئي۔
