پولیس کا ضلع کولگام میں لشکر طیبہ سے وابستہ جنگجو اعانت کار کو گرفتار کرنے کا دعویٰ
پولیس کا پونچھ میں ایل او سی کے قریب اسلحہ و گولہ بارود بر آمد کرنے کا دعویٰ
جموں/جموں وکشمیر پولیس نے ضلع پونچھ میں جنگجوؤں کے ایک ماڈیول کا پردہ فاش کرکے اسلحہ و گولہ بارود برآمد کرنے کا دعویٰ کیا ہے۔ایس ایس پی پونچھ رمیش اگروال نے اپنے ایک بیان میں تفصیلات فراہم کرتے ہوئے کہا کہ 28 دسمبر کو پکڑے جانے والے تین جنگجو اعانت کاروں کے انکشاف پر سیکورٹی فورسز نے ضلع پونچھ میں لائن آف کنٹرول کے قریب دابی گاؤں میں اتوار کی صبح ایک تلاشی آپریشن شروع کیا۔
انہوں نے بتایا کہ تلاشی آپریشن کے دوران اسلحہ و گولہ بارود بر آمد کیا گیا جس میں ایک پستول، تین پستول میگزین، 35 گولیاں اور 5 گرینیڈ شامل ہیں۔
موصوف نے بتایا کہ جموں وکشمیر غزنوی فورس کے ماڈیول کا پردہ فاش کرکے تیسری بار اسلحہ و گولہ بارود بر آمد کیا گیا۔
انہوں نے دعویٰ کیا کہ جنگجوؤں کا یہ گروپ جموں میں جنگجویانہ سرگرمیوں کے علاوہ فرقہ وارانہ فسادات کو بھی ہوا دینے کی کوشش کرتا ہے۔ان کا مزید کہنا تھا کہ جنگجوؤں کے پاکستانی ہینڈلرس سر حد پا رسے بھارتی علاقوں میں چوری چھپے اسلحہ و گولہ بارود ڈالتے ہیں۔
یو این آئی
کولگام میں جنگجو اعانت گرفتار ،پونچھ میں ہتھیار ضبط added by ایشین میل on
View all posts by ایشین میل →