مرکزی وزارت صحت و خاندانی بہبود کے مطابق گذشتہ 24 گھنٹوں میں پورے ملک میں کووِڈ۔19 کے 45,576 نئے کیسز سامنے آنے سے متاثرین کی تعداد 89.58 لاکھ ہو گئی ہے۔ اسی دوران 48,493 مریض صحتیاب ہوئے جس سے فعال کیسز 3502 کم ہو کر 4.43 لاکھ ہو گئے ہیں۔ مجموعی طور پر اس وبا کو شکست دینے والوں کی تعداد بڑھ کر 83.83 لاکھ سے زیادہ ہوگئی ہے۔ دریں اثناء مزید 585 مریضوں کی موت ہونے کے بعد ہلاکتوں کے اعداد و شمار 1,31,578 ہو گئے ہیں۔
ملک میں فعال کیسز کی شرح 4.95 فیصد اور صحتیاب ہونے والوں کی شرح بڑھ کر 93.58 فیصد ہو گئی ہے جبکہ شرح اموات 1.47 فیصد ہے۔ گذشتہ 24 گھنٹوں میں مہاراشٹر میں سب سے زیادہ 1697 فعال کیسز کم ہوئے ہیں جبکہ کیرالا میں صحتیاب ہونے والوں کی تعداد سب سے زیادہ 7066 ہے۔ وہیں دہلی میں ہلاکتوں کی تعداد سب سے زیادہ 131 ہے۔
۔یو این آئی
