دہلی سے دو مشتبہ کشمیری جنگجو گرفتار

نئی دہلی،/ دہلی پولیس کی اسپشیل سیل کی ٹیم نے دو مشتبہ کشمیری جنگجوئوں کو گرفتار کرکے بڑی کامیابی حاصل کرنے کا دعویٰ کیا ہے۔
اسپیشل سیل کے ایک سینیئر افسر نے منگل کے روز بتایا کہ خفیہ اطلاع کی بنیاد پر جال بچھا کر پولیس نے دونوں مشتبہ کشمیری جنگجئوں کو گذشتہ رات تقریباً 10:15 بجے یہاں سرائے کالے خاں واقع ملینیم پارک کے پاس سے گرفتار کیا ہے۔ ان کی شناخت عبد اللطیف میر (22) اور محمد اشرف کھٹانہ (20) کے طور پر ہوئی ہے۔ دونوں جموں و کشمیر کے باشندے ہیں۔ ان کے قبضے سے دو پستول اور دس کارتوس برآمد کیے گئے ہیں۔ پولیس ان سے پوچھ گچھ کر رہی ہے۔
یو این آئی