پاکستان سے آنے والی مال گاڑی سے 1100 گرام ہیروئن برآمد

اٹاری، امرتسر/محکمہ کسٹم ڈیوٹی کی تفتیشی ٹیم کے افسران نے اٹاری ریلوے اسٹیشن پر پاکستان سے آنے والی مال گاڑی کے ایک خالی ڈبے کی بریک پائپ میں چھپا کر رکھی گئی 1100 گرام ہیروئن برآمد کی ہے۔
کسٹم ڈیوٹی کے کمشنر دیپک کمار گپتا نے بدھ کو بتایا کہ 25 جون کو پاکستان سے آنے والی مال گاڑی کے ایک خالی ڈبے کے بریک پریشر پائپ میں ہلکا بھورا رنگ کا پاؤڈر بھرا ہوا پایا گیا تھا۔ انہوں نے بتایا کہ ناکوٹک ڈرگ ڈیٹیکشن کٹ کی مدد سے جانچ کرنے سے ہیروئن کا پتہ چلا جس کی قیمت تقریباً 505 لاکھ روپیے بتائی جارہی ہے۔ مسٹر گپتانے بتایا کہ کسٹم ڈیوٹی کے ایکٹ 1962 کے تحت اسے ضبط کر لیا گیا ہے۔
یو این آئی،