ویشالی میں 386 کارٹن غیر ملکی شراب برآمد

حاجی پور، : بہار میں ضلع ویشالی کے ودھوپور تھانہ کے مهیشور پور گاؤں کے نزدیک باغ سے پولیس نے ایک ٹرک میں سے 386 کارٹن غیر ملکی شراب برآمد کی۔
پولیس ذرائع نے آج یہاں بتایا کہ گزشتہ دیر رات اطلاع ملی تھی کہ مهیشورپور گاؤں کے نزدیک باغ میں شراب کی کھیپ اتاری جا رہی ہے۔ اسی بنیاد پر پولیس نے باغ میں چھاپہ مارا۔ پولیس کو دیکھتے ہی شراب کاروباری فرار ہو گئے۔ ذرائع نے بتایا کہ موقع پر ٹرک میں سے 386 کارٹن اروناچل پردیش میں تیار شدہ غیر ملکی شراب برآمد کی گئی ۔برآمد شدہ شراب کی قیمت تقریبا 20 لاکھ روپیہ ہے۔ موقع سے پانچ کاریں اور دو موٹر سائیکل بھی برآمد کئے گئے ہیں ۔ معاملے کی جانچ کی جا رہی ہے۔
یواین آئی ۔