میکسیکو سٹی، : وینزویلا کے صدر نکولس مادرو نے کہا کہ اقوام متحدہ کی ہائی کمشنر برائے انسانی حقوق مشیل باشیلے کے ملک کے دورے سے انسانی حقوق کی صورتحال میں اہم بہتری آئے گی ۔با شیلے بدھ سے تین روزہ لاطینی امریکی ممالک کا دورہ شروع کر رہی ہیں۔ مادرو نے بدھ کو ٹی وی پر براہ راست نشریات میں کہا’’ہمیں اس دورے کے متعلق بہت امیدیں ہیں ۔ اس دورے سے وینزویلا میں انسانی حقوق کی صورت حال میں بہتر ی آئے گی ۔ ہمیں وینزویلا میں بہتری کے لئے ان کی سفارشات کی ضرورت ہے۔ آپ کا خیر مقدم ہے ‘‘۔ واضح ر ہے کہ وینزویلا میں جنوری سے حکومت مخالف مظاہرے اور حزب اختلاف کے لیڈر جوآن گوائیڈو کی طرف خود کو ملک کا عبوری صدر کا اعلان کرنے کے بعد سے ملک میں کشیدہ صورتحال بنی ہوئی ہے۔ اس کے بعد ملک میں تیل املاک پر قبضے کے متعلق جدوجہد ہو رہی ہے۔
اسپوتنک ۔
