اننت ناگ/جنوبی ضلع اننت ناگ کے ویری ناگ علاقہ میں بھارتیہ جنتا پارٹی کے نائب ضلع صدر ضلع گل محمد میر عرف اٹل کومشتبہ جنگجوﺅں نے سنیچرکی شام گولیوں کانشانہ بناکرموت کی نیندسلادیا۔ریاستی پولیس کے ایک بیان میں کہا گیا کہ ضلع اننت ناگ کے نوگام ویری ناگ علاقے میں جنگجوﺅں نے سنیچرکی شام65سالہ گل محمد میر ساکنہ نوگام ویری ناگ پر فائرنگ کی جس کے نتیجے میں وہ شدید طورپر زخمی ہوا۔بیان کے مطابق اگر چہ ا±سے فوری طورپر علاج ومعالجہ کی خاطر نزدیکی اسپتال منتقل کیا گیا تاہم وہ وہاں زخموں کی تاب نہ لا کر چل بسا۔کشمیرنیوز سروس (کے این ایس) کو معلوم ہوا ہے کہ بھاجپاکے نائب ضلع صدرگل محمدمیرکے سینے اورپیٹ میں کئی گولیاں پیوست ہوئیں۔ ریاستی پولیس کے ایک ترجمان نے بتایا کہ گل محمد میر کی ہلاکت کے سلسلے میں کیس درج کرکے تحقیقات شروع کی گئی ہے۔ انہوں نے بتایا کہ پولیس اس کام میں جٹ گئی ہے کہ ہلاکت کا یہ واقعہ کیسے اور کن حالات میں وقوع پذیر ہوا۔ادھراتوارکے روزجب بھاجپاکے مقامی لیڈرگل محمدمیرکی آخری رسومات آبائی گاﺅں نوگام ویری ناگ میں انجام دی گئیں توبھاجپاکے کسی بھی ریاستی یاصوبائی لیڈریاعہدیدارنے اس میں شرکت نہیں کی ،جس پرمرحوم کے اہل خانہ ،قریبی رشتہ داروں اورمقامی لوگوں نے سخت ناراضگی ظاہرکی ۔ادھرریاستی گورنر ستیہ پال ملک نے بی جے پی لیڈر گل محمد کی ہلاکت کی مذمت کرتے ہوئے سیاسی کارکنوں کی ہلاکت کے واقعات کی تحقیقات کے احکامات جاری کردئیے ہیں۔دریں اثناءوزیر اعظم نریندر مودی، بی جے پی قومی صدر امت شاہ، قومی جنرل سکریٹری رام مادھو، جموں وکشمیر کے سابق وزرائے اعلیٰ عمر عبداللہ و محبوبہ مفتی اور پیپلز کانفرنس چیئرمین سجاد غنی لون نے گل محمد کی ہلاکت کی سخت مذمت کی ہے۔وزیر اعظم نریندر مودی نے گل محمد میر کی ہلاکت کی سخت مذمت کرتے ہوئے کہا ہے کہ مرحوم کی بی جے پی کے تئیں خدمات کو ہمیشہ یاد رکھا جائے گا۔ انہوں نے کہا کہ ہمارے ملک میں اس قسم کے تشدد کےلئے کوئی جگہ نہیں ہے۔انہوں نے کہاکہ میں مرحوم کے کنبے اور دیگر خیر خواہوں کی خدمت میں تعزیت پیش کرتا ہوں۔بھاجپاکے قومی صدرامت شاہ نے اپنے ایک ٹویٹ میں کہا کہ وادی کشمیر میں انتہا پسند طاقتیں بی جے پی کارکنوں کا حوصلہ پست نہیں کرسکتی۔ انہوں نے لکھا ہےکہمیں اننت ناگ میں بی جے پی لیڈر غلام محمد میر کی ہلاکت پر دکھی ہوں۔ امت شاہ نے کہاکہ میں سوگوار کنبے کی خدمت میں تعزیت پیش کرتا ہوں۔بی جے پی کے قومی جنرل سکریٹری رام مادھو نے غلام محمد میر کی ہلاکت کو انتہائی قابل مذمت عمل قراردیتے ہوئے کہاکہ اس سے غلط عناصر کی مایوسی ظاہر ہوتی ہے اور یہ بھی معلوم ہوتا ہے کہ یہ عناصر امن نہیں چاہتے۔نیشنل کانفرنس کے نائب صدر عمر عبداللہ نے گل محمد کی جنت نشینی کےلئے دعا کی ہے۔ انہوں نے اپنے ایک ٹویٹ میں لکھا ‘بی جے پی ریاستی یونٹ کے نائب ضلع صدر غلام محمد میر کو ویری ناگ میں گولی مار کر ہلاک کیا گیا ہے۔ عمر عبداللہ نے لکھاکہمیں تشدد کے اس بزدلانہ فعل کی مذمت کرتا ہوں۔پی ڈی پی صدر محبوبہ مفتی نے اپنے ایک ٹویٹ میں کہا کہ میں بی جے پی لیڈر گل محمد میر کی ہلاکت کی سخت مذمت کرتی ہوں۔انہوں نے کہاکہ میں سوگوار کنبے کی خدمت میں تعزیت پیش کرتی ہوں اور مرحوم کے لئے دعاگو ہوں۔ پیپلز کانفرنس کے چیئرمین سجاد غنی لون نے بی جے پی لیڈر کی ہلاکت کی مذمت کرتے ہوئے کہا کہ نہتے سیاسی کارکنوں کو ہلاک کرنا بزدلی ہے۔انہوں نے اپنے ایک ٹویٹ میں لکھا ‘بی جے پی نائب ضلع صدر ویری ناگ کی وحشیانہ ہلاکت کی مذمت کرتا ہوں۔ نہتے سیاسی کارکنوں کو ہلاک کرنا بزدلی ہے’۔ بتادیں کہ وادی کشمیر میں سیاسی کارکنوں یا لیڈران پر جان لیوا حملے کوئی نئی بات نہیں ہے۔ وادی میں گذشتہ تین دہائیوں کے دوران ہزاروں کی تعداد میں سیاسی کارکن یا لیڈران مارے جاچکے ہیں جن میں سے بیشتر کا تعلق ریاست کی سب سے قدیم سیاسی جماعت نیشنل کانفرنس سے تھا۔
روزنامہ ایشین میل جموں وکشمیر سے شائع ہونے والا دو لسانی اخبار ہے ۔ایشین میل کا روزنامہ اخبار گزشتہ دو دہائیوں سے سرینگر سے شائع ہورہا ہے ۔اس کے علاوہ اس ادارے کا ایشین میلکمیو نیکیشنز کے نام سے ڈیجیٹل پلیٹ فارم بھی ہے
روزنامہ ایشین میل ،راتھر کیمپلیکس راج باغ سرینگر
نیوز لیٹر
©Asian Mail - Designed by Gabfire.