واشنگٹن، : امریکہ۔ میکسیکو۔کینیڈا معاہدے (يوایس ایم سی اے) کی پارلیمنٹ کی منظوری کے لئے ریپبلکن کے رکن پارلیمنٹ چک گراسیلے نے صدر ڈونالڈ ٹرمپ سے دھاتوں کیے محصولات میں کمی کرنے کی اپیل کی ہے۔
اس سے پہلے وائٹ ہاؤس پریس دفتر کی جانب سے جاری بیان کے مطابق مسٹر ٹرمپ نے امریکہ تجارتی پالیسی کے سلسلے میں ربپلكن کے ارکان پارلیمنٹ کے ایک گروپ کے ساتھ میٹنگ کی۔
مسٹر گراسیلے نے مسٹر ٹرمپ کے ساتھ ملاقات کے بعد جمعرات کے روز کہاکہ ’’ میں نے صدر ٹرمپ سے اسٹیل اور ایلومینیم کے محصولات پر غور کرنے کی اپیل کی تاکہ يوایس ایم سی اے امریکہ، میکسیکو اور کینیڈا میں قانون بن سکے‘‘۔
فنانس کمیٹی کے چیئرمین کے طور پر مسٹر گراسیلے پارلیمنٹ میں قانونی امور کے انچارج ہیں۔
کینیڈا کے امور خارجہ کے وزیر كرسٹيا فريلینڈ نے مارچ میں امریکی تجارتی نمائندے رابرٹ لائٹزر کے ساتھ ملاقات کے بعد نامہ نگاروں سے کہا تھا کہ میٹنگ کا نتیجہ يوایس ایم سی اے کی صورت میں نکالا ہے اور امریکہ کو محصولات ہٹا دینے چاہئیں۔
واضح رہے کہ يو ایس ایم سی اے تجارتی سمجھوتہ گزشتہ برس کے آخر میں ہوا تھا جس پر امریکہ، کینیڈا اور میکسیکو نے دستخط کئے ہیں۔ یہ معاہدہ 25 سال پرانا شمالی امریکہ آزاد تجارت معاہدہ (نافٹا) کی جگہ لے گا۔
اسپوتنك ۔
