سرینگر/جموں کشمیر سرکار نے بدھ کو کشمیر شاہراہ پر سرینگر سے بارہمولہ تک میں سیولین ٹریفک کی نقل و حمل پر پابندی کو ختم کرنے کا اعلان کردیا۔تاہم ادھمپور سے سرینگر تک پابندی برقرار رہے گی ۔
سرکار کی طرف سے جاری اعلان میں کہا گیا کہ کل یعنی2مئی سے کشمیر شاہراہ کے سرینگر۔بارہمولہ حصے پر شہری ٹریفک کے چلنے پر کسی بھی قسم کی کوئی پابندی عاید نہیں ہوگی۔
تاہم سرکاری بیان میں وضاحت کی گئی کہ سرینگر سے اُدھمپور تک مذکورہ شاہراہ پر عاید پابندیاں بدستور جاری رہیں گی۔
واضح رہے کہ کشمیر شاہراہ پر ہفتے میں دو دن تک شہری ٹریفک کی نقل و حرکت پر پابندیوں کا سلسلہ فورسز کانوائے کی بلا رخنہ آوا جاہی کیلئے اور لوک سبھا انتخابات کے پیش نظر عاید کی گئی تھیں۔
