واشنگٹن، 10 اپریل : امریکی صدر ڈونالڈ ٹرمپ نے ایران پر دباؤ برقرار رکھنے، انسانی حقوق کے مسائل اور مغربی ایشیا میں استحکام کے بارے میں سعودی کراؤن پرنس محمد بن سلمان کے ساتھ فون پر بات چیت کی۔وائٹ ہاؤس نے پریس ریلیز میں یہ اطلاع دی۔
وائٹ ہاؤس کی جانب سے منگل کو جاری ریلیز میں کہا گیا’’ صدر ڈونالڈ ٹرمپ نے سعودی کراؤن پرنس محمد کے ساتھ بامعنی بات چیت کی۔ انہوں نے مغربی ایشیا میں استحکام کو یقینی بنانے میں سعودی عرب کے اہم کردار، ایران کے خلاف زیادہ سے زیادہ دباؤ برقرار رکھنے اور انسانی حقوق کی اہمیت سے منسلک مسائل پر تبادلہ خیال کیا‘‘۔
سعودی پریس ایجنسی کی رپورٹ کے مطابق اس سے پہلے سعودی عرب نے امریکہ کی جانب سے ایران کے پاسداران انقلاب کو ایک دہشت گرد تنظیم کے طور پر تسلیم کرنے کے فیصلے کا خیر مقدم کیا۔
امریکی وزارت خارجہ نے پیر کو سعودی عرب کے 16 افراد کو صحافی جمال خشوگي کے قتل میں ان کے مبینہ کردار کی وجہ سے امریکہ میں داخل ہونے پر پابندی عائد کرنے کا اعلان کیا تھا۔
اسپوتنک،
