سرینگر:: قومی تحقیقاتی ایجنسی (این آئی اے) نے جمعہ کو حریت کانفرنس (ع) کے چیئر مین میر واعظ عمر فاروق کے نام مبینہ غیر ملکی فنڈنگ کیس کے سلسلے میں تیسری نوٹس جاری کی۔ اس سے قبل میر واعظ کے نام دو نوٹسز جاری ہوچکی ہیں ،جن کا جواب میر واعظ نے اپنے وکیل کے ذریعے تحریری طور دیا ۔
میڈیا رپورٹس کے مطابق این آئی اے نے جمعہ کو حریت کانفرنس (ع) کے چیئر مین میر واعظ عمر فاروق کے نام ایک اور نوٹس جاری کی ۔ بتایا جاتا ہے کہ نوٹس میں میرواعظ کو18اپریل بذات خود این آئی اے کے سامنے ان کے دفتر واقع دلی میں پیش ہونے کیلئے کہا گیاہے۔
نوٹس میں مزید کہا گیا ہے کہ نئی دلی میں ا±ن کی حفاظت کے اقدامات کئے جائیں گے۔واضح رہے کہ میرواعظ نے پہلی دو نوٹسوں پر عمل نہ کرتے ہوئے این آئی اے کے سامنے پیش ہونے سے انکار کیاتھا۔انہوں نے این ائی اے کے نام اپنے تحریری جواب میں اپنی حفاظت کے بارے میں خدشات کا اظہار کیا تھا۔انہوں نے تاہم ایجنسی کو یقین دلایا تھا کہ وہ سرینگر میں ا±ن کے ساتھ پورا تعاون کریں گے۔
