سرینگر کے نجی اسپتال سے جنگجو گرفتار
سرینگر:پولیس نے ایک خصوصی کارروائی کے دوران سرینگر کے ایک نجی اسپتال سے لشکر طیبہ سے وابستہ مقامی جنگجو کو گرفتار کرنے کا دعویٰ کیا ہے ۔
ذرائع نے بتایا کہ ایک مصدقہ اطلاع ملنے کی بنیاد پر کارروائی عمل میں لائی ۔انہوں نے کہا کہ مذکورہ جنگجو اسپتال میں زیر علاج تھا ۔پولیس ذرائع نے گرفتار شدہ کی شناخت دانش حنیف ساکنہ نٹی پورہ سرینگر کے طور کرتے ہوئے کہاکہ وہ ایک پرائیوٹ اسپتال میں اپنا علاج کرانے آیا تھا۔
ذرائع نے بتایا کہ مذکورہ جنگجو سرینگر میں ہرہتھیار لوٹنے کی واردات میں بھی ملوث تھا ۔
شوپیان میں شبانہ چھاپے، تین نوجوان گرفتار
فورسز نے گذشتہ رات چھاپہ مار کارروئیوں کے دوران جنوبی ضلع شوپیان میں تین نوجوانوں کو گرفتار کرلیا۔یہ چھاپے شوپیان کے وہل نامی گائوں میں ڈالے گئے جن کے دوران عمر شفیع، آصف ملک اور فیم شاہ ساکنان وہل نامی نوجوانوں کو گرفتار کیا گیا۔
پولیس ذرائع کے مطابق گرفتار شدگان سے پوچھ تاچھ کی جارہی ہے ۔مذکورہ ذرائع نے تاہم گرفتار شدگان پر عاید الزامات کے بارے میں کچھ نہیں بتایا۔
سرینگر میں لشکر طیبہ جنگجو ،شوپیان میں تین نوجوان گرفتار added by ایشین میل on
View all posts by ایشین میل →