سرینگر، 22 جولائی: گزشتہ 24 گھنٹوں کے دوران جموں و کشمیر میں سب سے زیادہ بارش کٹھوعہ ضلع میں ریکارڈ کی گئی، جہاں 153.4 ملی میٹر بارش ہوئی۔ مسلسل موسلا دھار بارش کے باعث کئی اضلاع میں اچانک سیلاب، مٹی کے تودے گرنے، ندی نالوں میں طغیانی اور نشیبی علاقوں میں پانی جمع ہونے کے واقعات پیش آئے۔
اعداد و شمار کے مطابق سامبہ میں 133 ملی میٹر اور اودھم پور میں 132.6 ملی میٹر بارش ریکارڈ کی گئی۔ اس کے علاوہ جموں ایئرپورٹ پر 67.7 ملی میٹر، جموں شہر میں 62.1 ملی میٹر، کٹرہ میں 58.5 ملی میٹر، پونچھ میں 51 ملی میٹر، رام بن میں 49 ملی میٹر، بٹوٹ میں 46.1 ملی میٹر، ریاسی میں 44.5 ملی میٹر، راجوری میں 40.8 ملی میٹر اور بھدرواہ میں 36.8 ملی میٹر بارش ہوئی۔
جموں خطے کے دیگر علاقوں میں بانہال میں 25.3 ملی میٹر، ڈوڈہ میں 24 ملی میٹر اور کشتواڑ میں 23 ملی میٹر بارش ریکارڈ کی گئی۔
وادی کشمیر میں گلمرگ سب سے زیادہ بارش والا مقام رہا، جہاں 55 ملی میٹر بارش ریکارڈ کی گئی۔ اس کے بعد بارہمولہ میں 37.5 ملی میٹر، ٹنگمرگ میں 28.2 ملی میٹر، پہلگام میں 23.8 ملی میٹر، لولاب میں 22.4 ملی میٹر، نوگام ہندواڑہ میں 21.2 ملی میٹر اور اونتی پورہ میں 21 ملی میٹر بارش ہوئی۔
دیگر علاقوں میں بمہامہ کپواڑہ (19.8 ملی میٹر)، قاضی گنڈ (19.6 ملی میٹر)، کوکرناگ (17 ملی میٹر)، بٹکوٹ (15.5 ملی میٹر)، پلوامہ (13.4 ملی میٹر)، کپواڑہ (13 ملی میٹر)، باباپورہ (11.4 ملی میٹر)، شوپیان (11 ملی میٹر)، کولگام اور سوپور (10.2 ملی میٹر فی مقام)، سونہ مرگ اور آشام (10 ملی میٹر فی مقام)، خدوانی (9.5 ملی میٹر)، چرارِ شریف (9.4 ملی میٹر)، سرینگر شہر اور سنگم (8.5 ملی میٹر فی مقام)، ولر (8 ملی میٹر)، پمپور اور گاندربل (7 ملی میٹر فی مقام)، سرینگر ایئرپورٹ (5.9 ملی میٹر) اور ویرناگ (5.3 ملی میٹر) بارش ریکارڈ کی گئی۔
لداخ خطے کے لیہ میں بھی 5.2 ملی میٹر بارش ریکارڈ کی گئی۔مسلسل مون سون بارشوں کے نتیجے میں جموں و کشمیر کے کئی علاقوں میں اچانک سیلاب، دریاؤں اور ندی نالوں میں طغیانی، مٹی کے تودے گرنے، بنیادی ڈھانچے کو نقصان اور معمولاتِ زندگی بری طرح متاثر ہوئے ہیں۔
