سرینگر : ملک کے معروف تعلیمی ادارے آکاش ایجوکیشنل سروسز لمیٹڈ نے فوج اور نیم فوجی دستوں کے اہلکاروں اور ان کے اہل خانوں کی تعلیمی معاونت کیلئے اہم قدم اٹھاتے ہوئے متعدد فورسز کے ساتھ مفاہمتی یادداشتوں (MoUs) پر دستخط کیے ہیں، جن کا مقصد تعلیمی مواقع تک رسائی کو آسان بنانا ہے۔
مسابقی امتحانات کی تیاری کروانے والے ملک کے معروف ادارے آکاش ایجوکیشنل سروسز لمیٹڈ (AESL) نے ملک بھر کے فورسز اہلکاروں اور ان کے اہل خانوں کی مدد کیلئے فوج اور نیم فوجی دستوں، بشمول بارڈر سیکیورٹی فورس (بی ایس ایف)، سینٹرل ریزرو پولیس فورس (سی آر پی ایف) اور انڈو-تبتی بارڈر پولیس (آئی ٹی بی پی)، کے ساتھ مفاہمتی یادداشتوں پر دستخط کیے ہیں۔
اس اقدام کا مقصد نہ صرف تعلیمی میدان بلکہ دیگر متعلقہ شعبوں میں بھی ان اہلکاروں اور ان کے خاندانوں کو سہولت فراہم کرنا ہے۔
یہ شراکت داری منظم اسکالرشپس، تعلیمی رہنمائی، کیریئر گائیڈنس اور ملک گیر کوچنگ تک رسائی فراہم کرنے کیلئے تیار کی گئی ہے، جس سے حاضر سروس اہلکاروں، سابق فوجیوں، بہادری کے اعزاز یافتگان، معذور اہلکاروں اور شہداء کے خاندانوں کو فائدہ پہنچے گا۔
ان مفاہمتی یادداشتوں کا مقصد مالی رکاوٹوں کو کم کرنا اور انجینئرنگ و میڈیکل جیسے مسابقتی شعبوں میں داخلے کے خواہشمند طلبہ کی تعلیمی تیاری کو مضبوط بنانا ہے، تاکہ وہ بغیر مالی بوجھ کے اپنے کیریئر کو آگے بڑھا سکیں۔
آکاش ایجوکیشنل سروسز لمیٹڈ کے منیجنگ ڈائریکٹر اور سی ای او، مسٹر چندر شیکھر گریسا ریڈی نے کہا:
"فوجی برادری سے تعلق رکھنے والے ہر فرد، جس نے ملک کی خدمت کا عہد کیا ہے، کو اپنے خاندان کی ترقی کیلئے مساوی مواقع ملنے چاہئیں۔ ان شراکت داریوں کے ذریعے ہم معیاری تعلیم تک رسائی کو بڑھانا اور دفاعی خاندانوں کو آگے بڑھنے کے مزید مواقع فراہم کرنا چاہتے ہیں۔”
اسکالرشپ کی تفصیلات:
انڈین آرمی اہلکار اور اہل خانہ:
- دورانِ ڈیوٹی جان گنوانے والے اہلکاروں کے بچوں کیلئے صرف رجسٹریشن فیس قابلِ ادائیگی، جبکہ دیگر تمام فیسوں پر 100 فیصد چھوٹ
- 20 فیصد یا اس سے زیادہ معذوری یا بہادری کے اعزاز یافتہ اہلکاروں کے بچوں کیلئے 100 فیصد ٹیوشن فیس معاف
- حاضر سروس اور ریٹائرڈ اہلکاروں کے بچوں کیلئے 20 فیصد ٹیوشن فیس میں رعایت (دیگر اسکالرشپس کے بعد)
بی ایس ایف اہلکار اور اہل خانہ:
- شہداء کے بچوں کیلئے صرف داخلہ/رجسٹریشن فیس، دیگر تمام تعلیمی فیسوں پر 100 فیصد چھوٹ
- گیلنٹری ایوارڈ یافتہ یا 20 فیصد سے زائد معذور اہلکاروں کے بچوں کیلئے 90 فیصد ٹیوشن فیس رعایت (سرٹیفکیٹ لازمی)
- 20 فیصد سے کم معذوری والے اہلکاروں کے بچوں کیلئے 50 فیصد رعایت
- حاضر سروس اور ریٹائرڈ اہلکاروں کے بچوں کیلئے 20 فیصد رعایت (دیگر وظائف کے بعد)
سی آر پی ایف اہلکار اور اہل خانہ:
- دورانِ ڈیوٹی شہید ہونے والوں کے بچوں کیلئے مکمل ٹیوشن فیس معاف، صرف رجسٹریشن/داخلہ فیس قابلِ ادائیگی
- معذور اہلکاروں کے بچوں کیلئے 100 فیصد ٹیوشن فیس معاف (سرٹیفیکیشن درکار)
- حاضر سروس، بہادری ایوارڈ یافتہ اور ریٹائرڈ اہلکاروں کے بچوں کیلئے 22 فیصد رعایت (دیگر اسکالرشپس کے بعد)
آئی ٹی بی پی اہلکار اور اہل خانہ:
- شہداء، دورانِ سروس وفات پانے والوں، معذور اور یتیم بچوں کیلئے مکمل کورس فیس پر 100 فیصد چھوٹ (رجسٹریشن/داخلہ فیس قابلِ ادائیگی)
- گیلنٹری ایوارڈ یافتہ یا 20 فیصد سے زائد معذور اہلکاروں کے بچوں کیلئے 90 فیصد رعایت
- حاضر سروس اور ریٹائرڈ اہلکاروں کے بچوں کیلئے 20 فیصد رعایت (دیگر وظائف کے بعد)
اضافی سہولتیں:
- تعلیمی مشاورت اور کیریئر کاؤنسلنگ (آن لائن اور آف لائن)
- قومی سطح کے اسکالرشپ و ٹیلنٹ امتحانات، بشمول ANTHE
- AESL مراکز اور دفاعی اسکولوں کی سہولیات تک رسائی
- طویل مدتی تعلیمی معاونت کے پروگرام
یہ اقدامات تین سے پانچ سالہ پروگرام کے تحت نافذ کیے جائیں گے، تاکہ دیرپا اثرات کو یقینی بنایا جا سکے۔
