اننت ناگ: اننت ناگ پولیس نے ضلع بھر میں مختلف کارروائیوں کے دوران این ڈی پی ایس ایکٹ کے تحت چار مقدمات درج کرتے ہوئے پانچ ملزمان کو گرفتار کر لیا ہے۔
پولیس پوسٹ سنگم نے ایک خفیہ اطلاع پر کارروائی کرتے ہوئے سیمتھن کے رہائشی محمد یونس ڈار کے گھر پر چھاپہ مارا، جہاں سے 246 گرام چرس (08 اسٹکس) برآمد کی گئی۔ ملزم کو گرفتار کر کے اس کے خلاف ایف آئی آر نمبر 102/2026 زیر دفعہ 8/20 این ڈی پی ایس ایکٹ درج کی گئی۔
آشاجی پورہ بائی پاس پر پولیس پوسٹ جنگلات منڈی کی ناکہ پارٹی نے ایک گاڑی کو روکنے کی کوشش کی۔ اس دوران ایک شخص موقع سے فرار ہو گیا جبکہ دو ملزمان، فردین خان عرف سمیر خان ساکن قاضی محلہ اور نعمان ریاض خان ساکن لازہ بل کو ممنوعہ اشیاء کے ساتھ گرفتار کر لیا گیا۔ اس سلسلے میں ایف آئی آر نمبر 114/2026 درج کی گئی ہے۔
ڈونی پاوا میں ناکہ چیکنگ کے دوران نثار احمد شیرگوجری ساکن شیرپورہ کو ایک ایسی چیز کے ساتھ گرفتار کیا گیا جو پوست کے بھوسے سے مشابہت رکھتی ہے۔ اس ضمن میں ایف آئی آر نمبر 115/2026 زیر دفعہ 8/15 این ڈی پی ایس ایکٹ درج کی گئی۔
ایک اور کارروائی میں پولیس پوسٹ بس اسٹینڈ نے تربل چی میں عدنان اسحاق میر ساکن آشاجی پورہ کو گرفتار کر کے اس کے قبضے سے تقریباً 2 گرام ہیروئن جیسا مادہ برآمد کیا۔ اس کے خلاف ایف آئی آر نمبر 116/2026 زیر دفعہ 8/21 این ڈی پی ایس ایکٹ درج کی گئی۔
اننت ناگ پولیس نے منشیات کے خلاف اپنی مہم جاری رکھنے کے عزم کا اعادہ کرتے ہوئے عوام سے اپیل کی ہے کہ وہ اس سماجی برائی کے خاتمے کے لیے تعاون کریں اور معلومات فراہم کریں۔
