امریکا میں قائم ہیومن رائٹس ایکٹوسٹس نیوز ایجنسی نے دعویٰ کیا ہے کہ 28 فروری سے اب تک ایران میں 1097 شہریوں کی ہلاکت کی اطلاع موصول ہوئی ہیں۔
ایجنسی کے مطابق ان میں سے 181 بچے ایسے تھے جن کی عمر 10 سال سے کم تھی۔ ہیومن رائٹس ایکٹوسٹس نیوز ایجنسی کا مزید کہنا ہے کہ امریکہ اور اسرائیل کے حملوں میں اب تک 5402 عام شہری زخمی ہوئے ہیں جن میں 100 بچے شامل ہیں۔
انسانی حقوق کے ادارے نے دعویٰ کیا ہے کہ صرف گزشتہ 24 گھنٹوں کے دوران کم از کم 104 حملے کیے گئے۔ ہرانا کے مطابق ان حملوں میں فوجی اڈوں، طبی مراکز اور رہائشی علاقوں کو نشانہ بنایا گیا۔
تاہم اس حوالے سے ادارے کا مزید کہنا ہے کہ مزید سینکڑوں ہلاکتوں کی موصول ہونے والی اطلاعات کا جائزہ لیا جا رہا ہے۔
