سری نگر: وزیر برائے جل شکتی اور قبائلی امور جاوید احمد رانا کشمیر کے طلباء، تاجروں اور اتر پردیش کے حکام سے ملنے کے لیے لکھنؤ پہنچے۔واضح رہے کہ وزیر اعلیٰ عمر عبداللہ نے گذشتہ روز کہا کہ جموں وکشمیر کے باشندوں کی حفاظت کو یقینی بنانے کے لئے کابینی وزرا کو ملک کے مختلف شہروں میں تعینات کیا گیا ہے۔
حکام کے مطابق پہلگام دہشت گردانہ حملے کے پس منظر میں ان کے دورے کا مقصد اتر پردیش میں جموں و کشمیر کے باشندوں کے درمیان احساس تحفظ کو یقینی بنانا اور ان کی حوصلہ افزائی کرنا ہے۔
انہوں نے کہا کہ دلچسپی رکھنے والے افراد مدثر لطیفی تاثیر، او ایس ڈی (9419168268) اور جناب رئیس احمد، اے پی ایس (9103792688) سے رابطہ کر سکتے ہیں اور وی وی آئی پی گیسٹ ہاؤس، ساکیت، مہاتما گاندھی مارگ، لکھنؤ میں وزیر سے مل سکتے ہیں۔
