EN
ہفتہ, اپریل ۵, ۲۰۲۵
16.3 C
Srinagar
EPAPER
ENGLISH
type here...
تازہ ترینجموں
Less than 1 min.Read

رام بن میں یو اے پی اے کے تحت غیر منقولہ جائیداد ضبط:پولیس

ایشین میل
By ایشین میل
جموں: جموں و کشمیر پولیس نے ضلع رام بن کے گول علاقے میں غیر قانونی سرگرمیوں کی روک تھام ایکٹ (یو اے پی اے) کی دفعہ 25 کے تحت غیر منقولہ جائیدادیں ضبط کی ہیں۔ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ دہشت گردی سے نمٹنے کے لیے ایک اہم اقدام میں رام بن پولیس نے غیر قانونی سرگرمیوں کی روک تھام ایکٹ، 1967 (یو اے پی اے) کی دفعہ 25 کے تحت 10.18 کنال زرعی اراضی کی صورت میں 2 جائیدادوں کو ضبط کیا ہے۔

انہوں نے کہا کہ اس زرعی اراضی میں سے محمد شریف ولد محمد سلطان ساکن دلواہ تحصیل گول کے نام 7 کنال 3 مرلہ رجسٹرڈ ہے جو کہ خسرہ نمبر 282 من، 274 من 664/544/361 کھیوٹ نمبر 98 اور 99 کے تحت آتا ہے اور گاؤں دلواہ تحصیل گول ضلع رامبن میں واقع ہے جبکہ محمد یونس ولد گلہ گجر ساکن ہارا تحصیل گول کے نام 3 کنال 15 مرلہ درج ہے جو کہ کھسرہ نمبر 129/330/193/402/363/343/214/182/124/127 کھیوٹ نمبر 51,52 اور55 کے تحت آتا ہے اور کالی مستی موہرا ہارا تحصیل گول ضلع رام بن میں واقع ہے۔
بیان میں کہا گیا کہ تمام منسلک جائیدادوں کو ریونیو ریکارڈ میں درج کیا گیا ہے، اور ان کی فروخت یا منتقلی پر یو اے پی اے کے تحت پابندی کے نوٹس جاری کیے گئے ہیں
۔
انہوں نے کہا کہ یہ ضبطی پولیس اسٹیشن گول میں درج ایف آئی آر نمبر 04/2024 U/S 120-B/121-A/IPC, 13/18/20/39 UAPA سے منسلک ہے اور اسے قانونی طریقہ کار کی مکمل تعمیل کو یقینی بناتے ہوئے ایک پولیس ٹیم اور ایگزیکٹیو مجسٹریٹ کی موجودگی میں منسلک کیا گیا۔
پولیس ترجمان نے بتایا کہ مذکورہ کیس کی تفتیش کے دوران پولیس نے فروری 2025 میں 23.13 کنال رقبہ کی اراضی کو پہلے ہی ضبط کر لیا ہے اور 10.18 مرلہ اراضی کو گذشتہ روز ضبط کر لیا گیا۔انہوں نے کہا کہ یہ کارروائی خطے میں غیر قانونی اور تخریبی سرگرمیوں کی جاری تحقیقات میں ایک اہم سنگ میل کی نشاندہی کرتی ہے اور یہ قومی سلامتی کو لاحق خطرات کو بے اثر کرنے اور امن و امان کو برقرار رکھنے کے لیے رام بن پولیس کی لگن کو اجاگر کرتی ہے۔

Popular Categories

تازہ ترینکشمیرانڈیااہم خبرجموں۔بین الاقوامیاداریہ
spot_imgspot_img
گزشتہ مضمون
ڈوڈہ میں سوشل میڈیا پر غیر ذمہ دارانہ مواد اپ لوڈ کرنے پر ایک شخص کے خلاف مقدمہ درج:پولیس
اگلا مضمون
سری نگر کے منور آباد میں آتشزدگی، دو ہوٹلوں کو نقصان

روزنامہ ایشین میل جموں وکشمیر سے شائع ہونے والا دو لسانی اخبار ہے ۔ایشین میل کا روزنامہ اخبار گزشتہ دو دہائیوں سے سرینگر سے شائع ہورہا ہے ۔اس کے علاوہ اس ادارے کا ایشین میلکمیو نیکیشنز کے نام سے ڈیجیٹل پلیٹ فارم بھی ہے

روزنامہ ایشین میل ،راتھر کیمپلیکس راج باغ سرینگر

نیوز لیٹر

©Asian Mail - Designed by Gabfire.