جے کے بی او ایس ای نے یکم اور 3 مارچ کے امتحانات موخر کر دئے

سری نگر: موجودہ خراب موسمی صورتحال کے پیش نظر جموں و کشمیر بورڈ آف اسکول ایجوکیشن (جے کے بی او ایس ای) نے یکم مارچ اور 3 مارچ کو ہونےو الے دسویں، گیارہویں اور بارہویں جماعت کے امتحانات کو موخر کر دیا ہے۔جے کے بی او ایس ای نے جمعہ کے روزایک حکمنامے میں کہا: خراب موسم کے پیش نظر یکم مارچ 2025 اور 3 مارچ 2025 کو ہونے والے دسویں، گیارہویں اور بارہویں جماعتوں کے امتحانات پہلے سے جاری کردہ ڈیٹ شیٹ کے مطابق موخر کئے جاتے ہیں اور ان کو دوبارہ شیڈول کیا گیا ہے’۔
بورڈ نے کہا کہ دسویں اور گیارہویں جماعت کے امتحانات جو پہلے یکم مارچ کو ہونے والے تھے وہ اب 25 مارچ کو ہوں گے جبکہ بارہویں جماعت کے یکم مارچ کو ہونے والے امتحانات اب 24 مارچ منعقد ہوں گے۔حکمنامے میں کہا گیا ہے کہ ان امتحانات کے وقت اور مقام میں کوئی تبدیلی نہیں ہوگی۔قبل ذکر ہے کہ جموں وکشمیر بورڈ آف سکول ایجوکیشن نے خراب موسمی صورتحال کے باجود 28 فروری کو امتحانات حسب شیڈول منعقد کئے۔