سری نگر کے شالہ ٹینگ میں عدم شناخت لاش بر آمد

سری نگر: سری نگر کے مضافاتی علاقہ شالہ ٹینگ میں پیر کی صبح ایک عدم شناخت لاش بر آمد کی گئی۔پولیس ذرائع نے بتایا کہ سری نگر کے شالہ ٹینگ علاقے میں پیر کی صبح مقامی لوگوں نے ایک لاش دیکھی اور اس کے متعلق پولیس کو مطلع کیا۔انہوں نے کہا کہ اطلاع موصول ہونے کے بعد پولیس کی ایک ٹیم جائے موقع پر پہنچی اور لاش کو طبی و قانونی لوازمات کی ادائیگی کے لئے اپنی تحویل میں لے لیا۔ان کا کہنا ہے کہ لاش کی شناخت معلوم کی جا رہی ہے اور اس ضمن میں مزید تحقیقات جاری ہیں۔