عمر عبداللہ نے بجلی، راشن، چھٹیوں اور دوسری تمام ضمانتوں پر یو ٹرن لیا: الطاف ٹھاکر

سری نگر: بی جے پی جموں وکشمیر یونٹ کے ترجمان الطاف ٹھاکر نے وزیر اعلیٰ عمر عبداللہ کو ہدف تنقید بناتے ہوئے کہا کہ عمر عبداللہ نے شیر کشمیر انٹرنیشنل کنوکیشن سینٹر (ایس کے آئی سی سی) میں جمعرات کو منعقدہ ایک پریس کانفرنس کے دوران مکمل طور پر سرنڈر کیا۔
انہوں نے کہا: ‘عمر عبداللہ نے بجلی، راشن، چھٹیوں اور دوسری تمام ضمانتوں پر یو ٹرن لے لیا’۔
موصوف ترجمان نے ان باتوں کا اظہار جمعرات کو ‘ایکس’ پر عمر عبداللہ کی پریس کانفرنس کے رد عمل میں کیا۔
انہوں نے کہا: ‘عمر عبداللہ نے آج ایس کے آئی سی سی میں ایک پریس کانفرنس میں مکمل طور پر سرنڈر کیا اور بجلی، راشن، چھٹیوں اور دیگر تمام ضمانتوں پر یو ٹرن لے لیا’۔
ان کا پوسٹ میں مزید کہنا تھا: ‘عمر عبداللہ نے حسب توقع یہ حقیقت، کبھی نہیں سے دیر سے بہتر، تسلیم کی’۔
مسٹر ٹھاکر نے کہا کہ جموں وکشمیر ایک یونین ٹریٹری ہے اور اس کا مستقبل یونین کے ساتھ ہے’۔
قابل ذکر ہے کہ عمر عبداللہ نے وزیر اعلیٰ کا عہدہ سنبھالنے کے بعد جمعرات کو ایس کے آئی سی سی میں اپنی پپہلی پریس کانفرنس س خطاب کیا۔