آئی جی پی کشمیر کی دیوالی کے مقدس تہوار پر لوگوں کو مبارکباد

سری نگر: انسپکٹر جنرل آف پولیس (آئی جی پی) کشمیر وی کے بردی نے دیوالی کے مقدس تہوار کے موقع پر لوگوں اور پولیس پریوار کو مبارکباد پیش کی ہے۔
انہوں نے دعا کی کہ روشنیوں کا یہ تہوار لوگوں کی زندگیوں میں خوشی و ترقی کی نوید لے کر آئے۔
بتادیں کہ دیوالی جسے دیپاولی کے نام سے بھی جانا جاتا ہے،ہند مت کا ایک اہم اور بڑا تہوار ہے۔ یہ روشنیوں کے تہوار سے بھی مشہور ہے۔
یہ تہوار ’اندھیرے پر روشنی‘، ’برائی پر اچھائی‘ اور ’جہالت پر علم‘ کی فتح کی علامت ہے۔
کشمیر زون پولیس نے ’ایکس‘ پر پوسٹ میں کہا: ’آئی جی پی کشمیر دیوالی کے مقدس تہوار کے موقع پر تمام لوگوں اور جموں وکشمیر پولیس پریوار کو مبارکباد پیش کرتے ہیں‘۔
انہوں نے دعا کی کہ روشنیوں کا یہ تہوار لوگوں کی زندگیوں کو خوشی، ہم آہنگی اور خوشحالی سے بھر دے۔