جیسے ہی وقفہ سوالات ختم ہوا، لوک سبھا کے اسپیکر اوم برلا نے کہا کہ پارلیمانی امور کے وزیر نے تجویز پیش کی ہے کہ ضروری سرکاری کام کاج کو نمٹانے کے لیے 17ویں لوک سبھا کے 15ویں اجلاس کو 10 فروری تک بڑھا دیا جائے۔
مسٹربرلا نے اجلاس کو 10 فروری تک بڑھانے کی تجویز ایوان میں پیش کی جسے اراکین نے صوتی ووٹ سے قبول کر لیا۔
قابل ذکر ہے کہ بجٹ اجلاس 31 جنوری کو دونوں ایوانوں کے مشترکہ اجلاس سے صدر کے خطاب کے ساتھ شروع ہوا تھا اور اسے 9 فروری کو ختم ہونا تھا۔
