لفٹینٹ گورنر نے آئی یوایس ٹی کے دوسرے کانووکیشن کی تقریب سے خطاب کیا

لفٹینٹ گورنر نے گریجویشن کرنے والے طلباء، گولڈ میڈل جیتنے والوں کو مبارکباد دی

ہمارے سامنے چیلنج ایسی مہارتوں پر کام کرنا ہے جو مستقبل میں متعلقہ رہیں ۔ ایل جی سنہا

اونتی پورہ:لفٹینٹ گورنر مسٹر منوج سنہا نے آج اسلامک یونیورسٹی آف سائنس اینڈ ٹیکنالوجی (آئی یو ایس ٹی ) اونتی پورہ کے دوسرے کانووکیشن سے خطاب کیا ۔
قومی تعلیمی پالیسی 2020 کی ڈرافٹنگ کمیٹی کے چئیر مین پروفیسر کستوریرنگن اس موقع پر مہمان خصوصی تھے ۔
لفٹینٹ گورنر جو یونیورسٹی کے چانسلر بھی ہیں ، نے فارغ التحصیل طلباءاور گولڈ میڈل حاصل کرنے والوں کو ان کی کامیابیوں پر مبارکباد دی اور ان کیلئے نیک خواہشات کا اظہار کیا ۔
لفٹینٹ گورنر نے کہا ” کانووکیشن ادارہ کے ذریعہ پرورش پانے والی ابدی اقدار ، عاجزی ، تخلیقی صلاحیت ، صداقت ، انفرادیت اور ہمدردی کا جشن منانے کا ایک موقع بھی ہے ۔ یہ اقدارپوشیدہ سونے کے تمغے ہیں جو طلباءکو ملک کا بہتر مستقبل بنانے کیلئے بااختیار بناتے ہیں ۔ “
طلباءاور فیکلٹی ممبران سے خطاب کرتے ہوئے لفٹینٹ گورنر نے نوجوانوں کو اختراعات ، نئے آئیڈیاز ، نئی ٹیکنالوجیز پر توجہ مرکوز کرنے کی تلقین کی جو مستقبل کی تشکیل کریں گی ۔
لفٹینٹ گورنر نے کہا ” تعلیم نئے شعور کی پیدائش ہے ، یہ معاشرے کی توانائی ہے ، تعلیم خوشی ہے ، تعلیم خوبصورتی ہے ، تعلیم بااختیار بنانا ہے ، تعلیم افزودگی ہے ، تعلیم طالب علموں کو زندگی کی بلند ترین چوٹی کو حاصل کرنے کے قابل بناتی ہے ۔ “
انہوں نے مزید کہا کہ صحیح معنوں میں تعلیم یافتہ ہونے کیلئے مضامین کے درمیان مصنوعی رکاوٹوں کو توڑنے کیلئے ہمت کی ضرورت ہوتی ہے ، جو دنیا میں ایک اور میموری ہارڈ ڈسک بننے کے بجائے آزاد سوچ ، تخلیق ، تحقیق اور نئی ایجادات کو ترجیح دیتے ہیں ۔
لفٹینٹ گورنر نے مزید کہا تعلیم کو وہ تمام چیزیں نکالنی چاہئیں جو طلباءمیں منفرد ہیں اور انفرادیت کو فروغ دیا جانا چاہئیے تا کہ طلباءکیمپس سے باہر نکل کر پیشہ وارانہ دنیا میں داخل ہو کر یادوں کی ہارڈ ڈسک یا معلومات کا ذخیرہ نہ بنیں بلکہ وہ لامحدود تخلیقی صلاحیتوں کا پاور ہاوس بنیں ۔
لفٹینٹ گورنر نے یونیورسٹیوں ، تعلیمی اداروں اور تدریسی برادری کو متاثر کیا کہ وہ مستقبل پر مبنی سیکھنے کے انداز کو اپنائیں جو کلاس رومز سے آگے بڑھے اور طلباءکو مستقبل کے چیلنجوں اور مواقع کیلئے تیار کرے ۔
لفٹینٹ گورنر نے کہا ” تیز رفتاری کے اس دور میں اساتذہ کے کردار میں وسعت آئی ہے ۔ وہ صرف معلومات فراہم کرنے والے یا نصاب کو مکمل کرنے کا ذریعہ نہیں ہیں ، اساتذہ کاریگر ہیں اور انہیں نئی نسل کے ذہنوں اور شعور کو تشکیل دینے کی ضرورت ہے ۔ “

لفٹینٹ گورنر نے کہا عزت مآب وزیر اعظم جناب نریندر مودی جی کی رہنمائی میں قومی تعلیمی پالیسی ہمارے طلباءکو مشینوں کے زیر تسلط دنیا میں کامیاب ہونے کیلئے بااختیار بنا رہی ہے اور اس قدر کے نظام کے ساتھ ملایا گیا ہے تا کہ ہر طالب علم کی اندرونی اور بیرونی ترقی میں کامل توازن کو یقینی بنایا جا سکے ۔
انہوں نے کہا تعلیم کو اندرونی تجسس ، تنقیدی سوچ کو بیدار کرنا چاہئیے ، اسے کلاس رومز میں مزید سوالات کو متحرک کرنا چاہئیے اور نامعلوم راستے پر چلنے کی ہمت فراہم کرنی چاہئیے ۔ این ای پی 2020 کے ذریعے اس بات کو یقینی بنانے کی کوشش کی جا رہی ہے کہ ہمارے کلاس رومز چار دیواری کے بجائے حقیقی دنیا کی عکاسی کریں ۔
حالیہ تکنیکی ترقی پر بات کرتے ہوئے لفٹینٹ گورنر نے کہا کہ اس کا معاشرے پر تبدیلی کا اثر پڑے گا ۔
لفٹینٹ گورنر نے کہا ” ٹیکنالوجی پہلے سے کہیں زیادہ تیزی سے آگے بڑھ رہی ہے اور یہ تیزی سے ہمارے رہنے ، سماجی بنانے ، سفر کرنے اور کام کرنے کے طریقے کو بدل رہی ہے ۔ ہمارا انسانی سرمایہ بالکل مختلف مستقبل کا سامنا کر رہا ہے اور اب وقت آ گیا ہے کہ ہمارے کلاس رومز اور کیمپس بنیادی تبدیلی کو پہچانیں اور ایک نیا ماحولیاتی نظام بنائیں ۔ “
لفٹینٹ گورنر نے کہا ” ہمارے سامنے چیلنج ایسی مہارتوں پر کام کرنا ہے جو مستقبل میں متعلقہ رہیں گی ۔ 2050 تک دنیا کا تصور نہیں کر سکتے ، لیکن تجزیاتی ، تنقیدی سوچ ، تخلیقی صلاحیت ، تجسس ، انفرادیت ، اصلیت ، لچک اور قیادت جیسی بنیادی مہارتیں متعلقہ رہیں گی ۔ “
لفٹینٹ گورنر نے طلباءکو سیکھنے کیلئے سازگار ماحول فراہم کرنے اور انہیں قوم کی تعمیر میں اپنا حصہ ڈالنے کیلئے بااختیار بنانے کیلئے آئی یو ایس ٹی کے وائس چانسلر اور فیکلٹی ممبران کی بھی تعریف کی ۔
اس موقع پر خطاب کرتے ہوئے این ای پی ڈرافٹنگ کمیٹی کے چئیر مین پروفیسر کے کستوریرنگن نے فارغ التحصیل طلباءکو مبارکباد دی اور ان کے جذبے ، جوش اور تجسس کی تعریف کی ۔ انہوں نے کہا کہ اعلیٰ تعلیم کا آپ کا مشن یہیں ختم نہیں ہونا چاہئیے ، اپنے خوابوں اور خواہشات سے کبھی دستبردار نہ ہوں ۔
پروفیسر کستوریرنگن نے تعلیمی نظام میں اصلاحات لانے اور قومی تعلیمی پالیسی کو نافذ کرنے کیلئے بے مثال اقدامات کرنے کیلئے لفٹینٹ گورنر کی قیادت والی یو ٹی انتظامیہ کی ستائش کی ۔
وائس چانسلر آئی یو ایس ٹی نے یونیورسٹی کی رپورٹ پیش کی اور یونیورسٹی کی کامیابیوں پر روشنی ڈالی ۔
کانووکیشن کے دوران 72 طلباءکو گولڈ میڈلز جبکہ 147 طلباءکو میرٹ سرٹیفکیٹس سے نوازا گیا ۔
کانووکیشن کی تقریب میں چئیر مین ضلع ترقیاتی کونسل اننت ناگ چوہدری محمد یوسف گورسی ، رکن اسمبلی مسٹر حسنین مسعودی ، لفٹینٹ گورنر کے مشیر مسٹر راجیو رائے بھٹناگر ، مختلف یونیورسٹیوں کے وائس چانسلرز اور سابق وائس چانسلرز ، رجسٹرار آئی یو ایس ٹی پروفیسر نصیر اقبال ، فیکلٹی ممبران اور طلباءنے شرکت کی ۔