جموں،5 مئی: جموں وکشمیر کے کشتواڑ ضلع کے کیشوان علاقے میں سوتیلی ماں کو کمسن بچی کے قتل کے الزام میں پولیس نے گرفتار کیا۔پولیس ذرائع نے بتایا کہ کمسن بچی کے والد نے بتایا کہ وہ کام کے سلسلے میں کشتواڑ گیا ہوا تھا کہ اسی اثنا میں اس کی کمسن بچی لاپتہ ہوئی۔پولیس بیان کے مطابق 5مئی کو محمد امین کی زوجہ رخسانہ بیگم نے دو سالہ کمسن بیٹی کی گمشدگی کی رپورٹ درج کرائی جو آخری بار اپنی سوتیلی ماں کے ساتھ 4 مئی کو دیکھی گئی تھی۔ایس ایس پی کشتوار خلیل پسوال کی ہدایت پر ڈی ایس پی ہیڈ کواٹر آشیش گھپتا کی سربراہی میں ایک خصوصی تحقیقاتی ٹیم تشکیل دی گئیٹیم نے مشتبہ خاتون زاہدہ بیگم کی گرفتاری عمل میں لائی اور اس پوچھ تاچھ شروع کی گئی۔پولیس نے بتایا کہ دوران پوچھ گچھ خاتون نے اپنا جرم قبول کیا اور بتایا کہ اس نے بچی کا قتل کرکے لاش جنگل میں پھینکی۔پولیس نے خاتون کی نشاندہی پر بچی کی لاش برآمد کرکے قانونی اور طبی لوازمات پورے کئے۔پولیس نے معاملے کی نسبت 302کے تحت کیس درج کرکے مزید تحقیقا ت شروع کی۔
یو این آئی
