سری نگر،24 دسمبر: قومی تحقیقاتی ایجنسی (این آئی اے) نے ہفتے کی صبح جموں وکشمیر میں مختلف مقامات پر چھاپے مارے۔
ذرائع نے بتایا کہ این آئی اے نے ہفتے کی صبح جموں وکشمیر اور چندی گڑھ میں کئی مقامات پر چھاپے مارے۔انہوں نے کہا کہ یہ چھاپے ملی ٹنسی سے تعلق ہونے کے متعلق مختلف کیسوں کے سلسلے میں مارے جا رہے ہیں۔
بتادیں کہ این آئی اے نے جمعے کے روز جموں و کشمیر کے چار اضلاع میں 14 مقامات پر چھاپے مارے تھے۔این آئی اے کے ایک ترجمان نے اپنے ایک بیان میں تفصیلات فراہم کرتے ہوئے کہا تھا کہ این آئی اے نے جمعے کے روز آر سی 05\2022 /این آئی اے/ جے ایم یو کیس کے سلسلے میں کولگام، پلوامہ، اننت ناگ اور جموں اضلاع میں 14 مختلف مقامات پر چھاپے مارے۔انہوں نے کہا: ’یہ مقدمہ پاکستانی کمانڈورں کی شہہ پر مختلف جعلی ناموں کے تحت کالعدم تنظیموں اور جنگجو اعانت کاروں کی طرف سے ملی ٹنٹ اور دیگر تخریبی کاررئیاں انجام دینے کے لئے رچائی جا رہی سازشوں کے متعلق ہے‘۔
یو این آئی
