سری نگر،21 دسمبر : وادی کشمیر کو ملک کے باقی حصوں کے ساتھ جوڑنے والی سری نگر- جموں قومی شاہراہ اودھم پور میں دیوال برج پر بھاری بھر کم چٹان کھسک آنے کی وجہ سے ٹریفک کی نقل و حمل کے لئے بند کر دی گئی تاہم شاہراہ کو بحال کرنے کے لئے آپریشن جاری ہے۔
ٹریفک حکام نے بتایا کہ سری نگر – جموں قومی شاہراہ پر اودھم پور میں دیوال پل بھاری بھرکم چٹان کھسک آئی جس کے نتیجے میں شاہراہ پر ٹریفک کی نقل و حمل بند کر دی گئی۔
انہوں نے کہا کہ شاہراہ کو قابل آمد و رفت کی بنانے کے لئے بڑے پیمانے پر آپریشن جاری ہے۔
ان کا کہنا تھا کہ چٹان کے کھسک آنے سے شاہراہ کے دونوں ٹیوبس کو نقصان پہنچا ہے۔
ادھر جنوبی کشمیر کے ضلع شوپیاں کو صوبہ جموں کے پونچھ اور راجوری اضلاع کے ساتھ جوڑنے والے تاریخی مغل روڈ پر ٹریفک کی نقل و حمل حسب معمول جاری ہے۔
یو این آئی
