سری نگر،19 دسمبر : جموں و کشمیر پولیس نے شمالی کشمیر کے ضلع بارہمولہ میں لشکر طیبہ سے وابستہ ایک ملی ٹینٹاعانت کار کو گرفتار کرکے اس کے انکشاف پر اسلحہ و گولہ بارود بر آمد کیا ہے۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ ایک مصدقہ اطلاع موصول ہونے پر پولیس اور فوج کی32 آر آر کی ایک مشترکہ پارٹی نے بارہمولہ میں اتوار کو ایک آپریشن کے دوران لشکر طیبہ سے وابستہ ایک ملی ٹینٹ اعانت کار کو گرفتار کیا۔
انہوں نے گرفتار شدہ کی شناخت محمد اسحاق لون ولد بشیر احمد لون ساکن نادی ہال سوپور کے بطور کی ہے۔
بیان میں کہا گیا: ’گرفتار شدہ کے انکشاف پر ایک آئی ای ڈی کینسٹر، ایک پستول، ایک پستول میگزین، 18 پستول گولیاں اور 8 میٹر بجلی تار بر آمد کی گئی‘۔
پولیس ترجمان نے کہا کہ اس ضمن میں پولیس اسٹیشن بارہمولہ میں ایک کیس درج کرکے مزید تحقیقات شروع کی گئیں۔
بیان کے مطابق اسلحہ وگولہ بارود کی بر وقت ضبطی سےملی ٹینٹوں کے ایک بڑے حملے کو ٹالا گیا۔
یو این آئی
