جموں، 15نومبر:جموں وکشمیر انتظامیہ نے مین اسٹریم سیاسی پارٹیوں سے وابستہ کئی سینئر لیڈران یہاں تک کہ سابق وزرائے اعلیٰ کو سرکاری کوٹھیاں خالی کرنے کے ضمن میں نوٹسیں اجرا کی ہیں ۔
معلوم ہوا ہے کہ سابق وزیر چودھری لال سنگھ نے ہائی کورٹ میں عرضی دائر کرتے ہوئے اس پر روک لگانے کا مطالبہ کیا۔ذرائع نے بتایا کہ سابق وزیر چودھری لال سنگھ نے منگل کے روز جموں وکشمیر ہائی کورٹ میں عرضی دائر کی جس میں کہا گیا ہے کہ انتظامیہ نے سرکاری کواٹر خالی کرنے کے ضمن میں نوٹس جاری کی ہے۔عرضی میں چودھری لال سنگھ نے کہاکہ چونکہ وہ ایک سیاسی پارٹی کے سربراہ ہے لہذا سرکاری فرمان پر حکم امتناعی جاری کیا جائے ۔انہوں نے یہ بھی بتایا کہ انتظامیہ کی جانب سے صرف مخصوص پارٹیوں کے لیڈران کو ہی نوٹسیں اجرا کی گئی ہیں۔
بتادیں کہ جموں وکشمیر انتظامیہ نے پی ڈی پی صدر اور سابق وزیرا علیٰ محبوبہ مفتی کو بھی گپکار میں قائم سرکاری کواٹر خالی کرنے کے حوالے سے نوٹس جاری کی ہے جس کے جواب میں محبوبہ مفتی نے ایسٹیٹ محکمہ کو یکم دسمبر تک وقت مانگا ہے۔
یو این آئی
