ویب ڈیسک
سرینگر : بھارت بھر میں دو گھنٹے بعد واٹس ایپ سروس بحال ہوگئی ۔میتا کمپنی کے ترجمان کا کہنا ہے کہ دنیا بھر میں دوپہر کو واٹس ایپ سروس معطل ہوئی جبکہ بھارت میں بھی اس معطلی کا سامنا رہا ۔آو¿ٹیج ٹریکر ڈاو¿ن ڈیٹیکٹرنے بتایا کہ85فیصد صارفین نے واٹس ایپ کی معطلی کی شکایت کی ۔11فیصد صارفین ایپ کا استعمال کرتے تھے جبکہ 3فیصد صارفین ویب سائٹ کا ااستعما ل کر رہے تھے ۔
اس سے قبل کیا ہوا تھا؟
سوشل میڈیا پلیٹ فارم واٹس ایپ کی سروس دو پہر12 بجے سے معطل ہے جس کے سبب صارفین کو مشکلات کا سامنا کرنا پڑ رہا ہے۔واٹس ایپ سروسز کسی تکنیکی خرابی کی وجہ سے گزشتہ پونے گھنٹے سےسے بند ہے۔
پیغام رسانی کا مقبول پلیٹ فارم واٹس ایپ تکنیکی خرابی کی وجہ سے معطل ہے۔ بھارت میں بہت سے لوگ اس کو ’ایکسیس‘(رسائی حاصل ) نہیں کر پا رہے ہیں۔ لوگوں کو میسیج بھیجنے اور وصول کرنے میں پریشانی ہو رہی ہے۔
لوگ ٹویٹر پر واٹس ایپ ڈاو¿ن ہونے کی بھی شکایت کر رہے ہیں۔ واٹس ایپ پر کسی کو میسج سینڈ کرنے پر ایرر آ رہا ہے۔ اس سے لاکھوں لوگ متاثر ہوئے ہیں۔ اس حوالے سے ٹوئٹر پر میمز بھی وائرل ہونا شروع ہو گئے ہیں۔ ڈاو¿ن ڈیٹیکٹر نے بھی واٹس ایپ کے ڈاو¿ن ہونے کی اطلاع دی ہے۔
آو¿ٹیج ٹریکر ڈاو¿ن ڈیٹیکٹر کے مطابق میسجنگ پلیٹ فارم واٹس ایپ کی سروسز صارفین کے لیے معطل ہوگئیں۔آو¿ٹیج ٹریکر ڈاو¿ن ڈیٹیکٹر ویب سائٹ کی جانب سے شیئر کی گئی رپورٹ میں کہا گیا ہے کہ سماجی رابطے کی ویب سائٹ کی سروسز دوپہر کے اوقات میں معطل ہوئیں جب کہ بھارت سمیت کئی ممالک میں سماجی رابطے کی ویب سائٹ ٹوئٹر پر واٹس ایپ ٹرینڈنگ لسٹ میں سب سے نمایاں تھا ۔
پاکستان میں بھی واٹس ایپ کی سروسز معطل ہونے کی اطلاعات ہیں ۔خبر رساں ادارے ’اے این آئی نے میتا کمپنی کے ترجمان کے حوالے دیتے ہوئے اپنی رپورٹ میں لکھا ’ہم اس بات سے واقف ہیں کہ اس وقت لوگوں کو پیغام رسائی میں مشکلات ہیں اور ہم اس پر کام کررہے ہیں بہت جلد واٹس ایپ کی سروس کو ہر ایک کے لئے بحال کر دیا جائے گا ۔
