سری نگر /محکمہ موسمیات کے مطابق وادی کشمیر میں اگلے چوبیس گھنٹوں کے دوران موسم مجموعی طور پر خشک رہنے کا امکان ہے جبکہ اس مدت کے دوران صوبہ جموں میں بارشیں متوقع ہیں۔
متعلقہ محکمے کے ایک ترجمان نے بتایا کہ جموں و کشمیر کے صوبہ جموں میں گذشتہ چوبیس گھنٹوں کے دوران کہیں کہیں بارشوں کا امکان ہے۔انہوں نے کہا تاہم اس مدت کے دوران کشمیر میں موسم مجموعی طور پر خشک رہنے کی توقع ہے۔
ان کا کہنا تھا کہ جموں میں گذشتہ چوبیس گھنٹوں کے دوران22.2 ملی میٹر بارش ریکارڈ ہوئی ہے جبکہ کٹھوعہ میں 27.4 ملی میٹر اور کٹرہ میں1.2 ملی میٹر بارش ریکارڈ ہوئی ہے۔
دریں اثنا گرمائی دارلحکومت سری نگر میں کم سے کم درجہ حرارت14.2 ڈگری سینٹی گریڈ ریکارڈ کیا گیا جو معمول سے1.1 ڈگری سینٹی گریڈ زیادہ ریکارڈ ہوا تھا۔
وادی کے مشہور زمانہ سیاحتی مقام گلمرگ میں کم سے کم درجہ حرارت7.8 ڈگری سینٹی گریڈ ریکارڈ کیا گیا جو معمول سے1.2
گری سینٹی گریڈ کم ریکارڈ ہوا تھا۔
وادی کے دوسرے مشہور سیاحتی مقام پہلگام میں کم سے کم درجہ حرارت8.8ڈگری سینٹی گریڈ ریکارڈ کیا گیا جو معمول سے0.3 ڈگری سینٹی گریڈ زیادہ ریکارڈ ہوا تھا۔
سرحدی ضلع کپوارہ میں کم سے کم درجہ حرارت11.7 ڈگری سینٹی گریڈ ریکارڈ کیا گیا جو معمول سے0.5 ڈگری سینٹی گریڈ کم ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت12.6 ڈگری سینٹی گریڈ ریکارڈ کیا گیا جو معمول سے1.2 ڈگری سینٹی گریڈ زیارہ ریکارڈ ہوا تھا۔
یو این آئی
