جموں وکشمیر میں چھ گھنٹوں میں چار زلزلے، کوئی نقصان نہیں

سری نگر،23 اگست: جموں وکشمیر میں منگل کو 6 گھنٹوں کے دوران 4 کم شدت والے زلزلے محسوس کئے گئے۔

نیشنل سینٹر فار سیسمولوجی کے مطابق جموں میں پیر اور منگل کی درمیانی شب زلزلے کے ہلکے جھٹکے محسوس کئے گئے۔

انہوں نے کہا کہ اس زلزلے کا مرکز کٹرہ علاقہ تھا اور اس کی گہرائی 10 کلو میٹر تھی۔

اس زلزلے کی شدت ریکٹر اسکیل پر 3.9 ریکارڈ ہوئی ہے اوریہ زلزلہ رات کے2 بجکر 20 منٹ پر آیا۔

مذکورہ سینٹر کے مطابق اس کے بعد جموں و کشمیر میں تین مزید ہلکے درجے کے زلزلے آئے جن میں سے پہلا رات کے3 بجکر21 منٹ پر دوسرا3 بجکر44 منٹ پر اور تیسرا صبح 8 بجکر 3 منٹ پر آیا۔

ان زلزلوں کی شدت ریکٹراسکیل پر بالترتیب 2.8 ,2.6 اور2.9 ریکارڈ ہوئی ہے۔

تاہم ان زلزلے کے نتیجے میں کسی جانی یا مالی نقصان کی ہوئی اطلاع نہیں ہے۔

واضح رہے کہ جموں کشمیر اور لداخ زلزلیاتی پیمانے پر سب سے زیادہ خطرناک پانچ اور چار زون میں آتے ہیں۔

یو این آئی