سری نگر، 11 فروری :شمالی ضلع بانڈی پورہ میں مشتبہ جنگجووں نے سیکورٹی فورسز پر گرنیڈ حملہ کردیا جس کے نتیجے میں ایک اہلکار ہلاک جبکہ چار دیگر زخمی ہوئے ہیں۔
سرکاری ذرائع نے بتایا کہ جمعے کے روز بانڈی پورہ میں نشاط پارک کے نزدیک ملی ٹینٹوں نے سیکورٹی فورسز پر گرنیڈ داغا جس کے نتیجے میں چار پولیس، ایک سی آر پی ایف جوان سمیت پانچ اہلکار زخمی ہوئے ہیں۔
انہوں نے بتایا کہ زخمی اہلکاروں کو علاج ومعالجہ کی خاطر فوری طورپر نزدیکی ہسپتال پہنچایا گیا جہاں پر ایک اہلکار زخموں کی تاب نہ لا کر چل بسا ہے۔
متوفی اہلکار کی شناخت ایس پی او زبیر احمد ساکن پاپہ چھن بانڈی پورہ کے بطور ہوئی ہے ۔
پولیس ، فوج اور پیرا ملٹری فورسز نے ایک وسیع علاقے کو محاصرے میں لے کر حملہ آوروں کی بڑے پیمانے پر تلاش شروع کی ہے۔
یو این آئی
