سری نگر/ وادی کشمیر میں خشک موسم کے بیچ درجہ حرارت نقطہ انجماد سے کافی نیچے درج ہونے سے لوگ دوران شب ٹھٹھرتی سردیوں سے کانپ اٹھے۔
وادی میں مشہور ترین سیاحتی مقامات پہلگام اور گلمرگ سردترین جگہیں رہیں جہاں کم سے کم درجہ حرارت بالترتیب منفی11.8 ڈگری سینٹی گریڈ اور منفی10.4 ڈگری سینٹی گریڈ ریکارڈ کیا گیا۔
ادھر محکمہ موسمیات کے ایک ترجمان کی پیش گوئی کے مطابق جموں و کشمیر میں 29 جنوری تک موسم مجموعی طور پر خشک رہنے کا امکان ہے۔
انہوں نے کہا کہ وادی میں 30 جنوری کو موسم ابر آلود رہ سکتا ہے جبکہ 31 دسمبر کو کہیں کہیں ہلکی برف باری یا بارشیں ہو سکتی ہیں۔وادی میں مطلع صاف رہنے سے شبانہ درجہ حرارت نقطہ انجماد سے کافی نیچے درج ہوا ہے۔
گرمائی دارلحکومت سری نگر میں کم سے کم درجہ حرارت منفی3.6 ڈگری سینٹی گریڈ ریکارڈ کیا گیا جہاں گذشتہ شب کم سے کم درجہ حرارت 1.3 ڈگری سینٹی گریڈ ریکارڈ ہوا تھا۔
سری نگر میں 18 دسمبر کو رواں موسم کی سرد ترین رات درج ہوئی تھی جب کم سے کم درجہ حرارت منفی6.0 ڈگری سینٹی گریڈ ریکارڈ ہوا تھا۔
وادی کے مشہور دہر سیاحتی مقام گلمرگ میں کم سے کم درجہ حرارت منفی10.4 ڈگری سینٹی گریڈ ریکارڈ کیا گیا جہاں گذشتہ شب کا کم سے کم درجہ حرارت منفی10.0 ڈگری سینٹی گریڈ ریکارڈ ہوا تھا۔
یو این آئی
