پٹرول اورڈیزل کی قیمتیں 77ویں روز بھی مستحکم

نئی دہلی/  بین الاقوامی سطح پر خام تیل کی قیمت 90 ڈالر فی بیرل کی طرف بڑھنے کے باوجود پٹرول اور ڈیزل کی قیمتیں آج مسلسل 77ویں دن گھریلو سطح پر مستحکم رہیں۔
مرکزی حکومت نے پٹرول اور ڈیزل پر ایکسائز ڈیوٹی میں بالترتیب 5 روپے اور 10 روپے کی کمی کے اعلان کے بعد 4 نومبر 2021 کوایندھن کی قیمتوں میں تیزی سے کمی آئی تھی۔ اس کے بعد ریاستی حکومت کے ویلیو ایڈڈ ٹیکس (ویٹ) کو کم کرنے کے فیصلے کے بعد دارالحکومت دہلی میں بھی ویٹ کو کم کرنے کا فیصلہ کیا گیا ہے۔ اس کے بعد دارالحکومت میں 2 دسمبر 2021 کو پٹرول تقریباً آٹھ روپے سستا ہواتھا۔ تاہم ڈیزل کی قیمتوں میں کوئی تبدیلی نہیں ہوئی۔
سنگاپور میں آج لندن برینٹ کروڈ 0.18 فیصد کمی کے ساتھ 88.28 ڈالر فی بیرل جبکہ امریکی کروڈ 0.15 فیصد اضافے کے ساتھ 87.09 ڈالر فی بیرل پرکاروبارکررہا ہے۔
مرکز کے ذریعہ ایکسائز ڈیوٹی میں کمی کے بعد بیشترریاستی حکومتوں اور مرکز کے زیر انتظام علاقوں نے بھی پٹرول اور ڈیزل پر ویلیو ایڈڈ ٹیکس (ویٹ) کو کم کر دیا تھا، جس سے عام آدمی کو بڑی راحت ملی تھی۔
پیٹرول اور ڈیزل کی قیمتوں کا روزانہ جائزہ لیا جاتا ہے اور اس کی بنیاد پر نئی قیمتیں روزانہ صبح 6 بجے سے لاگو ہوتی ہیں۔
آج ملک کے چار بڑے میٹرو میں پٹرول اور ڈیزل کی قیمتیں کچھ یوں رہیں۔
مہانگر…………پٹرول…………ڈیزل
……………………(روپے فی لیٹر)
دہلی…….95.41…….86.67
کولکاتہ ……..104.67………89.79
ممبئی …………109.98………94.14
چنئی……………….101.40………91.43
یواین آئی