نئی دہلی/ ایوانِ بالا ( راجیہ سبھا) کی کارروائی آج مقررہ وقت سے ایک دن پہلے ہی غیر معینہ مدت کے لیے ملتوی کر دی گئی۔سرمائی سیشن 23 دسمبر تک چلنا تھا لیکن اس پورے سیشن میں ایک بھی دن بھی اچھی طرح سے کام کاج نہیں ہو سکا۔ اپوزیشن کے 12 اراکین کی معطلی کی مخالفت اپوزیشن کرتی رہی ۔
اس دوران مرکزی وزیر مملکت برائے داخلہ اجئے مشرا ٹینی کو کابینہ سے ہٹانے کے مطالبے کے سلسلے میں اپوزیشن ہنگامہ آرائی کرتی رہی ، جس کی وجہ سے پورا سیشن درہم برہم ہو گیا۔
ترنمول کانگریس کے لیڈر ڈیرک اوبرائن کو کل چیئرمین کے پوڈیم کی طرف رول بک پھینکنے پر اجلاس بقیہ وقت کے لیے معطل کر دیا گیا تھا۔
یواین آئی
