واشنگٹن/ ہیوسٹن میں قونصل جنرل الیگزینڈر زخاروف نے کہا ہے کہ روس اور امریکہ کے درمیان سفارتی ویزوں کے معاملے پر بات چیت کے مثبت نتائج برآمد ہوئے ہیں اور مزید پیش رفت کی توقع ہے۔
مسٹر زخاروف نے ایک بیان میں کہا’’آپ کو معلوم ہے کہ ویانا میں دو طرفہ بات چیت چل رہی ہے۔ گزشتہ ماہ سے جاری مذاکرات کے مثبت نتائج برآمد ہوئے ہیں۔ گفتگو کے لیے شکریہ۔ ہمیں امید ہے کہ اس سے کچھ اور بامعنی نتائج برآمد ہوں گے‘‘۔
انہوں نے کہا کہ روسی قیادت نے بارہا امریکہ کو سفارتی مشنز پر تمام پابندیوں کے اقدامات کو باہمی طور پر منسوخ کرنے کی پیشکش کی ہے۔ امریکی فریق ابھی تک اس پر راضی نہیں ہواہے ، اس کے باوجود مسلسل مذاکرات کے اچھے نتائج برآمد ہو رہے ہیں۔
واشنگٹن پوسٹ کی ایک رپورٹ کے مطابق روس اور امریکہ کے درمیان ماسکو میں امریکی سفارت خانے کے ملازمین کو ویزے دینے کا معاہدہ طے پا گیا ہے۔
یو این آئی
