ملک میں ہلاکت خیز کورونا وائرس کے ایکٹیو کیسز میں گراوٹ
نئی دہلی/ ملک میں گزشتہ 24 گھنٹوں کے دوران ہلاکت خیز کورونا وائرس کے 6,822 نئے کیسز سامنے آئے ہیں، جو ایک دن پہلے رپورٹ کیے گئے 8,306 کیسز سے بہت کم ہے۔ اسی عرصے میں 220 افراد مریض جان کی بازی ہار گئے۔
منگل کی صبح مرکزی وزارت صحت کی طرف سے جاری کردہ تازہ ترین اعداد و شمار کے مطابق گزشتہ 24 گھنٹوں کے دوران ملک میں کورونا وائرس کے فعال کیسز کی تعداد ایک لاکھ سے گھٹ کر 95,014 رہ گئی ہے۔ کورونا وائرس کے 6822 نئے کیسز رپورٹ ہونے کے ساتھ ہی متاثرین کی مجموعی تعداد بڑھ کر تین کروڑ 46 لاکھ 48 ہزار 383 ہو گئی ہے۔
اسی عرصہ کے دوران 10004 مریض صحت یاب ہونے کے ساتھ ہی جان لیوا وبا کو شکست دینے والے مریضوں کی مجموعی تعداد تین کروڑ 40 لاکھ 79 ہزار 612 ہوگئی۔
گزشتہ 24 گھنٹوں میں اس جان لیوا وائرس سے 220 مریضوں کی موت کے بعد مرنے والوں کی مجموعی تعداد چار لاکھ 73 ہزار 757 ہو گئی ہے۔
ملک میں ایکٹیو کیسز کی شرح 0.27 فیصد، صحت یابی کی شرح 98.36 فیصد اور اموات کی شرح 1.37 فیصد ہے۔
ملک میں کوروناویکسین لینے والوں کی تعداد128.76 کروڑ سے زائد
ملک میں کووڈ ویکسینیشن مہم کے تحت گزشتہ 24 گھنٹوں کے دوران 79.39 لاکھ سے زیادہ افراد کو کووڈ ویکسین لگائی اور اس کے ساتھ ہی مجموعی ویکسینیشن کی تعداد 128.76 کروڑ سے زیادہ ہو گئی ہے۔
صحت اور خاندانی بہبود کی مرکزی وزارت نے یہاں بتایا کہ گزشتہ 24 گھنٹوں میں ملک میں 79 لاکھ 39 ہزار 38 افراد کو کووڈ ویکسین لگائی گئی ہیں۔ اس کے ساتھ ہی آج صبح 7 بجے تک ملک میں 128 کروڑ 76 لاکھ 10 ہزار 590 افراد کووڈ ویکسین دی جاچکی ہیں۔
گزشتہ 24 گھنٹوں کے دوران کووڈ وائرس کے 6822 نئے کیسز سامنے آئے ہیں اور یہ تعداد 558 دنوں میں سب سے کم ہے۔ اس وقت ملک میں 95 ہزار 14 کووڈ مریض زیر علاج ہیں۔ یہ متاثرہ کیسز کا 0.27 فیصد اور یومیہ کیسز کی شرح 0.63 فیصد ہے۔
اعداد و شمار کے مطابق گزشتہ 24 گھنٹوں کے دوران 10004 کووڈ مریض صحت مند ہو ئے ہیں۔ اب تک تین کروڑ 40 لاکھ 79 ہزار 612 افراد صحت یاب ہو چکے ہیں اور شفایابی کی شرح 98.36 فیصد ہے۔
گزشتہ 24 گھنٹوں میں ملک بھر میں مجموعی طور پر 10 لاکھ 79 ہزار 384 کووڈ ٹسٹ کیے گئے ہیں۔ ملک میں اب تک 64 کروڑ 94 لاکھ 47 ہزار 14 کووڈ ٹسٹ کیے جاچکے ہیں۔
یواین آئی
