سری نگر میں رواں موسم کی اب تک کی سرد ترین رات درج، پہلگام سرد ترین مقام

سری نگر،9 نومبر : وادی کشمیر میں شبانہ درجہ حرارت میں بتدریج گراوٹ درج ہونے کے بیچ سری نگر میں رواں سیزن کی اب تک کی سرد ترین رات ریکارڈ کی گئی۔
ادھر محکمہ موسمیات کے ایک ترجمان کی پیش گوئی کے مطابق وادی میں 15 نومبر تک موسم مجموعی طور پر خشک رہنے کا امکان ہے۔
انہوں نے کہا کہ سری نگر میں پیر اور منگل کی درمیانی شب رواں سیزن کی اب تک کی سرد ترین رات ریکارڈ ہوئی جہاں کم سے کم درجہ حرارت 1.6 ڈگری سینٹی گریڈ ریکارڈ کیا گیا۔
سری نگر میں گژتہ شب کا کم سے کم درجہ حرارت2.2 ڈگری سینٹی گریڈ ریکارڈ ہوا تھا۔
ان کا کہنا تھا کہ وادی کے دیگرعلاقوں میں بھی شبانہ درجہ حرارت میں مزید گراوٹ درج کی گئی۔
وادی کے ممشہور زمانہ سیاحتی مقام گلمرگ میں کم سے کم درجہ حرارت منفی 1.0 ڈگری سینٹی گریڈ ریکارڈ کیا گیا جبکہ وادی کے دوسرے مشہور سیاحتی مقام پہلگام میں کم سے کم درجہ حرارت منفی3.0 ڈگری سینٹی گریڈ ریکارڈ ہوا ہے۔