سری نگر-شارجہ پرواز کے لیے ایئر ویز کا معاملہ پاکستان کے ساتھ اٹھایا گیا: ذرائع

ئی دہلی، 4 نومبر :ہندوستان نے سری نگر-شارجہ پرواز کے لیے فضائی راستے کے مسئلے کو پاکستان سے سفارتی سطح پر اٹھایا ہے اور مسافروں کے وسیع تر مفاد میں اس پرواز کے لیےفضائی حدود فراہم کرانے کی درخواست کی ہے۔ یہ اطلاع جمعرات کو یہاں ذرائع نے دی۔
میڈیا رپورٹس کے حوالے سے ذرائع کا کہنا ہے کہ پاکستانی حکام نے 23، 24، 26 اور 28 اکتوبر 2021 کو ہندوستان کے نجی شعبے کی ایئر لائن گو فرسٹ کی پروازوں کو پاکستانی ایئر ویز سے گزرنے کی اجازت دے دی تھی۔ اس کے بعد انہوں نے 31 اکتوبر سے 30 نومبر تک اسے اپنی فضائی حدود سے گزرنے کی اجازت ملتوی کر دی ہے۔
ذرائع نے بتایا کہ یہ معاملہ فوری طور پر پاکستان کے ساتھ سفارتی سطح پر اٹھایا گیا۔
ذرائع نے بتایا کہ ’’ہم نے پاکستان سے درخواست کی ہے کہ اس روٹ پر پروازوں کے لئے ٹکٹ خریدنے والے عام لوگوں کے مفاد میں ان پروازوں کو اپنی فضائی حدود سے گزرنے کی اجازت دے ‘‘۔
اس پرواز کا افتتاح وزیر داخلہ امت شاہ نے 23 اکتوبر کو جموں و کشمیر کے اپنے حالیہ تین روزہ دورے کے دوران کیا تھا۔ سابق وزیر اعلیٰ عمر عبداللہ نے کل ایک ٹویٹ میں پاکستان کے فیصلے کوافسوسناک قرار دیا۔
میڈیا رپورٹس کے مطابق آج رات سری نگر سے خدمات 9.15 شارجہ کی طے شدہ پرواز کو پاکستان کی فضائی حدود سے بچنے کے لیے طویل راستہ اختیار کرنا پڑے گا۔