امت شاہ نے پلوامہ حملے میں ہلاک ہونے والے سی آر پی ایف اہلکاروں کو خراج عیقیدت پیش کیا
سری نگر/مرکزی زیر داخلہ امت شاہ نے منگل کے روز فروری 2019 میں پلوامہ خود کش حملے میں ہلاک ہونے والے 40 سی آر پی ایف اہلکاروں کو خراج عقیدت پیش کیا۔
موصوف وزیر داخلہ نے لیتہ پورہ میں قائم مہلوک سی آر پی ایف اہلکاروں کے میموریم پر انہیں خراج عقیدت پیش کرنے کے علاوہ وہاں ان کی یاد میں ایک پودا بھی لگایا۔
وزیر داخلہ نے اپنے ایک ٹویٹ میں کہا: ’پلوامہ حملے میں شہید ہونے والے جوانوں کے میموریل پر حاضر ہو کر انہیں خراج تحسین پیش کیا‘۔
انہوں نے کہا: ’ملک کے دفاع کے لئے آپ کے عزم اور آپ کی عظیم قربانیوں سے دہشت گردی کو قلع قمع کرنے کا ہمارا ارادہ مزید مضبوط ہوتا ہے۔ آپ کی عظیم قربانیوں کو ہزاروں سلام‘۔
واضح رہے کہ جنوبی کشمیر کے ضلع پلوامہ کے لیتہ پورہ علاقے میں گذشتہ برس 14 فروری کو کشمیر شاہراہ پر ایک زوردار دھماکہ ہوا تھا۔
یہ وادی میں اپنی نوعیت کا سب سے بڑا خود کش دھماکہ تھا جس کو پلوامہ کے کاکہ پورہ سے تعلق رکھنے والے اکیس سالہ عادل احمد ڈار عرف وقاص نے انجام دیا تھا اور جس کے نتیجے میں سی آر پی ایف کے زائد از چالیس اہلکار از جان ہوئے تھے۔
