جموں و کشمیر میں محکمہ صحت کے ڈائریکٹر فائنانس محمد رفیق انتقال کر گئے

جموں و کشمیر میں محکمہ صحت کے ڈائریکٹر فائنانس محمد رفیق انتقال کر گئے

سری نگر،/جموں و کشمیر محکمہ ہیلتھ اینڈ میڈیکل ایجوکیشن کے ڈائریکٹر فائنانس محمد رفیق حجام دلی کے آل انڈیا انسٹی ٹیوٹ آف میڈیکل سائنسز (ایمز) میں چند روز زیر علاج رہنے کے بعد جمعے کی صبح انتقال کر گئے۔

ذرائع کے مطابق محمد رفیق ماہ رواں کی 25 تاریخ کو فالج کا شکار ہوئے تھے جس کے بعد انہیں علاج و معالجے کے لئے ایمز دلی منتقل کیا گیا تھا۔
انہوں نے بتایا کہ موصوف ڈائریکٹر فائنانس ایمز میں ویٹی لیٹر پر تھے جہاں انہوں نے جمعے کی صبح زندگی کی آخری سانسیں لیں۔

دریں اثنا محکمہ صحت و میڈیکل ایجوکیشن نے محمد رفیق کی موت کی تصدیق کرتے ہوئے لواحقین کے ساتھ ہمدردی کا اظہار کیا ہے۔ادھر چیف سیکریٹری ڈاکٹر ارن کمار مہتا نے موصوف ڈائریکٹر فائنانس کے انتقال پر گہرے صدمے کا اظہار کیا ہے۔

انہوں نے اپنے ایک بیان میں محمد رفیق کو ایک محنتی اور دیانتدار افسر کے بطور یاد کرتے ہوئے لواحقین کے ساتھ ہمدردی کا اظہار کیا ہے۔


یو این آئی

Leave a Reply

Your email address will not be published.