راجور ی ،پونچھ یکم ،جون/لائن آف کنٹرول پر راجوری کے نوشہری اور پونچھ کے مینڈھر سیکٹر میں فوج نے در اندازی مخالف آپریشنز میں 13جنگجوﺅں کو جاں بحق کرنے کا دعویٰ کیا ہے ۔فوج نے دونوں سیکٹروں میں بڑے پیمانے پر تلاش کارروائیاں جاری رکھی ہیں ۔فوج نے کہا ہے کہ پاکستان کی جانب سے فائر بندی معاہدے کی خلاف ورزی جنگجوﺅں کو اس پار دھکیلناکی کوشش ہوتی ہے۔کشمیر نیو زسروس( کے این ایس ) کے مطابق فوج نے جموں کے میں ضلع راجوری کے نوشہرا سیکٹر میںلائن آف کنٹرول پر دراندازی کی کوشش ناکام بناکر تین جنگجوﺅں کو ہلاک کردیا۔ فوج نے پیر کے روز جموں وکشمیر کے ضلع راجوری کے نوشہرہ سیکٹر میں لائن آف کنٹرول پر پاکستان سے جنگجوﺅں کا ایک گرپ جموں و کشمیر میں داخل ہونے کی کوشش کی ہے ۔ فوج نے د راندازی کی اس کوشش کو ناکام بنا کر 3 جنگجوو¿ں کو ہلاک کرنے کا دعویٰ کیا ہے۔ فوج کے ایک افسر نے کہا ہے کہ راجوری کے نوشہرہ سیکٹر میں ایل او سی پر28مئی سے دراندازی مخالف آپریشن شروع کیاگیا ہے۔انہوں نے کہا ہے کہ اس دوران وہاں تعینات فوجی اہلکاروں نے پیر کی صبح جنگجوو¿ں کی طرف سے دراندازی کی ایک کوشش کو ناکام بناکربھاری مسلح سے لیس3 جنگجوو¿ں کو جاں بحق کردیا۔ انہوں نے مزید کہا ہے کہ تلاشی آپریشن ہنوز جاری ہے اور میڈیا کے ساتھ تفصیلات شیئر کی جائیں گی۔خیال رہے ،کہ راجوری اور پونچھ میں ایل او سی پر ہندوستان اور پاکستان کی افواج کے درمیان روزانہ بنیادوں پر ایک دوسرے کے ٹھکانوں کو نشانہ بناکر گولہ باری کے تبادلے کا سلسلہ جاری ہے۔ کورونا کے بیچ طرفین کے درمیان آئے روز کی نوک جھونک سے آر پار کے سرحدی لوگوں کا جینا مزید اجیرن بن کے رہ گیا ہے۔ تاہم ہندوستانی فوج کا کہنا ہے کہ پاکستان کی طرف سے جنگ بندی معاہدے کی مسلسل خلاف ورزیوں کا مقصد جنگجوﺅں کو سرحد کے اس پار دھکیلنا ہوتا ہے۔قابل ذکر بات یہ ہے کہ جموں صوبے کے پونچھ اور راجوری علاقوں میں لائن آف کنٹرول پر کئی روز سے ہند و پاک کے درمیان گولہ باری کا سلسلہ جاری ہے جس دوران ایک عام شہری گزشتہ رو زخمی ہوا ہے جبکہ کئی تعمیراتی ڈھانچوںکو نقصان پہنچا ہے ۔ادھر خبر رساں ادارے جی این ایس نے ذرائع کا حوالہ ایک رپورٹ میں بتایا ہے کہ لان آف کنٹرول پر جاری در اندازی مخالف آپریشن کے دوران پونچھ کے مینڈھر سیکٹر میں در اندازی کی ایک کوشش کو ناکام بنا کر10جنگجوﺅں کو ہلاک کیا گیا ۔انہوں نے کہا کہ یہاں بھی28مئی سے در اندازی مخالف آپریشن جاری تھا ۔فوجی ذرائع کا حوالہ دیتے ہوئے رپورٹ میں بتایا گیا کہ در اند ازی مخالف کارروائی کے دوران10جنگجو ہلاک ہوئے ۔پونچھ کے وسیع سرحدی علاقوں میں تلاشی کارروائیاں جاری ہیں ۔
روزنامہ ایشین میل جموں وکشمیر سے شائع ہونے والا دو لسانی اخبار ہے ۔ایشین میل کا روزنامہ اخبار گزشتہ دو دہائیوں سے سرینگر سے شائع ہورہا ہے ۔اس کے علاوہ اس ادارے کا ایشین میلکمیو نیکیشنز کے نام سے ڈیجیٹل پلیٹ فارم بھی ہے
روزنامہ ایشین میل ،راتھر کیمپلیکس راج باغ سرینگر
نیوز لیٹر
©Asian Mail - Designed by Gabfire.