رمضان المبارک کا چاند دیکھنے کیلئے مرکزی و زونل رویت ہلال کمیٹیوں کے اجلاس جاری ہیں۔
سرینگر/مانیٹرینگ ڈیسک/پاکستان کے میٹ آفس کراچی میں ہونے والے مرکزی اجلاس کی صدارت چیئرمین مرکزی رویت ہلال کمیٹی مفتی منیب الرحمن کر رہے ہیں جس میں زونل کمیٹیوں کے ارکان بھی شریک ہیں۔اجلاس میں محکمہ موسمیات کے ماہرین اور پہلی بار وزارت سائنس اور ٹیکنالوجی کا نمائندہ بھی شامل ہے۔ پنجاب میں زونل رویت ہلال کمیٹی نے اعلان کردیا ہے کہ صوبے میں کہیں بھی رمضان المبارک کا چاند نظر نہیں آیا اور اس فیصلے سے مرکزی رویت ہلال کمیٹی کو بھیآگاہ کردیا گیا ہے جو حتمی اعلان کرے گی۔خیال رہے کہ گزشترہ روز وزارت سائنس و ٹیکنالوجی نے کہا تھا کہ خیبر پختونخوا میں رمضان کا چاند 23 اپریل کو نظر آنے کا امکان نہیں ہے جبکہ محکمہ موسمیات کا بھی کہنا ہے کہ 23 اپریل کو چاند نظر آنے کے امکانات کم ہیں۔ وزارتِ سائنس و ٹیکنالوجی کے مطابقآج غروب آفتاب کے وقت چاند کی عمر بارہ گھنٹے سے بھی کم ہوگی جس کے باعث چاند نظر نہیں آسکے گا۔دوسری جانبسعودی عرب سمیت کئی اسلامی ممالک میں بھی رمضان المبارک کا چاند دیکھنے کیلئے بھی آج اجلاس ہوں گے۔ امریکا اور کینیڈا کی کلینڈر پر عمل کرنے والی مسلم تنظیموں نے جمعے کوپہلے روزے کا اعلان کیا ہے۔
