سری نگر،/ گرمائی دارالحکومت سری نگر کے کنی پورہ کے مسلم آباد علاقے میں دوران شب نقب زنوں نے دو رہائشی مکانوں میں نقب لگا کر لاکھوں روپیے کی مالیت کے زیوارت اڑا لئے۔

دریں اثنا پولیس نے اس سلسلے میں ایک کیس درج کرکے تحقیقات شروع کی ہیں۔ذرائع نے بتایا کہ کنی پورہ کے مسلم آباد علاقے میں اتوار اور پیر کی درمیانی شاب نقب زنوں نے نذیر احمد قاضی اور ان کے ایک اور رشتہ دار غلام احمد زرگر کے رہائشی مکانوں میں نقب لگائی اور لاکھوں روپیے کی مالیت کے زیورات، ایک لیپ ٹاپ اور نقدی رقم اڑا لئے۔

انہوں نے بتایا کہ نقب زنوں نے الماریوں اور دوسرے سامان کو بھی نقصان پہنچایا ہے۔ان کا کہنا تھا کہ متاثرین تعزیت کے لئے حیدر پورہ گئے ہوئے تھے کہ چوروں نے ان کی غیر موجودگی کا بھر پور فائدہ اٹھا کر یہ کارروائی انجام دی۔

ادھر پولیس نے اس ضمن میں ایک کیس درج کرکے جائے واردات کا جائزہ لیا ہے اور ضروری کارروائی انجام دے کر تحقیقات شروع کی ہیں۔

یو این آئی